«Апенгеймер» і «Небаракі» сталі трыумфатарамі, а «Барбі» засталася ні з чым
У Лондане прайшло ўручэнне ўзнагарод Брытанскай акадэміі кіно і тэлевізійных мастацтваў (BAFTA), напэўна, трэцяй па прэстыжнасці кінапрэміі пасля «Оскара» і Канскага кінафестываля.
Самы вялікі поспех прыйшоўся на долю блокбастара Крыстафера Нолана «Апенгеймер», які выйграў сем намінацый, у тым ліку за найлепшы фільм, найлепшае выкананне мужчынскай ролі (Кіліян Мёрфі) і найлепшага рэжысёра, піша Бі-бі-сі.
У Нолана два грамадзянствы: Вялікабрытаніі і ЗША. Аднак калі хтосьці і сумняваўся, ці застаецца ён па-ранейшаму верны сваім брытанскім караням, гэтыя сумневы развеяліся пасля таго, як Нолан сказаў, што для яго гэта як «вяртанне дадому».
Прадзюсарам «Апенгеймера» была жонка Нолана Эма Томас. Яна сказала, што і ўявіць сабе не магла такога поспеху.
Яна таксама пахваліла свайго мужа, назваўшы яго бліскучым «чалавекам, поўным «натхнення». Праўда, яна дадала, што часам ён яе «прыводзіць у шаленства», але пры гэтым «заўсёды аказваецца мае рацыю».
А найлепшая мужчынская роля другога плана таксама дасталася «Апенгеймеру». Гэтую ўзнагароду атрымаў Роберт Даўні (малодшы), які сыграў ролю амерыканскага бізнэсоўца Льюіса Штраўса, які адзін час узначальваў камісію атамнай энергетыкі.
На другім месцы з пяццю ўзнагародамі аказаліся «Небаракі» з Эмай Стоўн у галоўнай ролі. Сама Стоўн атрымала ўзнагароду за найлепшую жаночую ролю.
Гістарычная драма «Зона інтарэсаў» пра Асвенцім атрымала тры прэміі BAFTA, уключаючы выбітны брытанскі фільм.
А найбольш папулярныя ў гледачоў «Барбі» і «Солтбёрн» засталіся ні з чым, нягледзячы на тое, што былі намінаваныя на дзесяць узнагарод.
«Гэта быў відавочна дрэнны вечар для Барбі. Нягледзячы на прысутнасць яго зорак: Марго Робі і Раяна Гослінга, а таксама рэжысёра Грэты Гервіс, самы касавы фільм мінулага года не выклікаў любові ў адказ у суддзяў. У яго было пяць намінацый, але ніводнай узнагароды», — адзначыла журналіст Кейт Разаў.
Найлепшым дакументальным фільмам стала стужка «20 дзён у Марыупалі» Мсціслава Чарнова. Ён на сцэне цырымоніі заявіў, што гэта фільм пра народ Украіны: «Гісторыя Марыупаля — гэта сімвал усяго, што было, сімвал барацьбы, сімвал веры. Давайце працягваць змагацца».
Пасля цырымоніі ўзнагароджання і банкетаў пераможцы і пераможаныя адправяцца ў ЗША рыхтавацца да «Оскара», які пройдзе 10 сакавіка.
Стала вядома, хто сёлета будзе прэтэндаваць на «Оскар»
«Небаракі» (Poor Things): паглядзелі самы дзіўны фільм года і расказваем, чаго чакаць
Новы «Джокер», «Небаракі» і другі «Гладыятар»: топ-10 фільмаў, якія выйдуць у 2024-м
«Апенгеймер» атрымаў «Залаты глобус» за найлепшы фільм
Агідны і вострасацыяльны. Пра што фільм «Солтбёрн», які рве тыкток
Пратасевіч ездзіў да Бабарыкі ў калонію некалькі разоў3
Каментары