$5000 за месца на могілках, $330 за святара. На што хлопец Лізы патраціць сабраныя грошы?
У часе паўторнага збору памяці згвалтаванай і забітай беларускі Лізы ўжо ахвяравалі больш за $25 тысяч. Даніл, хлопец Лізы, які каардынуе збор сродкаў, у якасці арыенціра абазначыў $17,5 тысячы, але людзі працягваюць пераводзіць грошы.
На што Даніл збіраецца патраціць грошы?
«Стаіць пытанне пахавання, аплаты месца на могілках і спадарожных выдаткаў. Ліза была ў Польшчы бежанкай — адна, без сям'і. Яна не была застрахаваная. Пытанне пахавання Лізы — цяпер мая адказнасць і задача, таму адкрыты гэты збор. Сабраныя сродкі будуць выкарыстаныя на пакрыццё выдаткаў на пахаванне Лізы, юрыдычную дапамогу і падтрымку блізкіх у гэтай трагічнай сітуацыі, — піша Даніл на старонцы збору.
— Я нават не мог здагадацца, колькі каштуе пахаваць чалавека ў Варшаве. Самае сціплае пахаванне каштуе ад $2500. Пры гэтым месца на могілках будзе аплачана толькі на 20 гадоў. Калі купіць месца назаўжды, то гэта каштуе ад $3000 да $5000.
Сярэдняе пахаванне ў Варшаве каштуе каля $3500-4000, да гэтага трэба дадаць паслугі святара (прыкладна $330) і гэтак далей. Таксама важна аформіць магілу, паставіць помнік.
Таксама для мяне і ўсіх, хто мяне падтрымлівае цяпер, важна, каб злачынец атрымаў максімальнае пакаранне за тое, што ён забраў чужое жыццё.
У сувязі з гэтым неабходная сума для аплаты паслуг юрыста, які будзе абараняць інтарэсы Лізаветы ў крымінальным працэсе. У Варшаве гэта каштуе ад $5000.
Фінансы таксама спатрэбяцца пры падрыхтоўцы і легалізацыі дакументаў як на баку Польшчы, так і ў Беларусі».
-
Ярмошына: Я не магу падтрымаць культ асобы Сталіна. Сям'я майго бацькі была раскулачаная, палова загінула
-
Таццяна Зарэцкая больш не эстонская стартаперка. Цяпер яна спрабуе стаць пасярэдніцай інвестараў у Саудаўскай Аравіі
-
Назіраць за выбарамі ў Беларусь прыедзе швейцарац, якога на радзіме судзілі за фальсіфікацыю выбараў
Таццяна Зарэцкая больш не эстонская стартаперка. Цяпер яна спрабуе стаць пасярэдніцай інвестараў у Саудаўскай Аравіі13
Каментары