$5000 za miesca na mohiłkach, $330 za śviatara. Na što chłopiec Lizy patracić sabranyja hrošy?
U časie paŭtornaha zboru pamiaci zhvałtavanaj i zabitaj biełaruski Lizy ŭžo achviaravali bolš za $25 tysiač. Danił, chłopiec Lizy, jaki kaardynuje zbor srodkaŭ, u jakaści aryjencira abaznačyŭ $17,5 tysiačy, ale ludzi praciahvajuć pieravodzić hrošy.
Na što Danił źbirajecca patracić hrošy?
«Staić pytańnie pachavańnia, apłaty miesca na mohiłkach i spadarožnych vydatkaŭ. Liza była ŭ Polščy biežankaj — adna, bieź siamji. Jana nie była zastrachavanaja. Pytańnie pachavańnia Lizy — ciapier maja adkaznaść i zadača, tamu adkryty hety zbor. Sabranyja srodki buduć vykarystanyja na pakryćcio vydatkaŭ na pachavańnie Lizy, jurydyčnuju dapamohu i padtrymku blizkich u hetaj trahičnaj situacyi, — piša Danił na staroncy zboru.
— Ja navat nie moh zdahadacca, kolki kaštuje pachavać čałavieka ŭ Varšavie. Samaje ścipłaje pachavańnie kaštuje ad $2500. Pry hetym miesca na mohiłkach budzie apłačana tolki na 20 hadoŭ. Kali kupić miesca nazaŭždy, to heta kaštuje ad $3000 da $5000.
Siaredniaje pachavańnie ŭ Varšavie kaštuje kala $3500-4000, da hetaha treba dadać pasłuhi śviatara (prykładna $330) i hetak dalej. Taksama važna aformić mahiłu, pastavić pomnik.
Taksama dla mianie i ŭsich, chto mianie padtrymlivaje ciapier, važna, kab złačyniec atrymaŭ maksimalnaje pakarańnie za toje, što jon zabraŭ čužoje žyćcio.
U suviazi z hetym nieabchodnaja suma dla apłaty pasłuh jurysta, jaki budzie abaraniać intaresy Lizaviety ŭ kryminalnym pracesie. U Varšavie heta kaštuje ad $5000.
Finansy taksama spatrebiacca pry padrychtoŭcy i lehalizacyi dakumientaŭ jak na baku Polščy, tak i ŭ Biełarusi».
Ciapier čytajuć
Paśla źniknieńnia śpikierki Mielnikavaj niama dostupu da rachunkaŭ Kaardynacyjnaj rady26
Kamientary