Pryčynaj siońniašniaha suda nad byłym palitviaźniem Alaksiejem Ramanavym, jaki maje ankałahičnaje zachvorvańnie, staŭ dekret Łukašenki №7 («Ab zamiežnaj biazvypłatnaj dapamozie»). Jak jon skončyŭsia i ŭ čym dakładna abvinavačvali Alaksieja — pakul nieviadoma, piša «Homielskaja viasna».
Raniej Alaksieja Ramanava zatrymlivali 23 studzienia padčas chvali vobšukaŭ u siemjach palitviaźniaŭ. Spačatku mužčynu prysudzili 15 sutak aryštu, a potym, nie vypuskajučy, dadali jašče 15 nibyta za «raspaŭsiud ekstremisckich materyjałaŭ». Tolki praz 30 sutak jaho ŭsio ž taki vyzvalili.
Alaksiej maje invalidnaść, ankałahičnaje zachvorvańnie i pankreatyt. Padčas apošniaha aryštu ŭ izalatary jamu niekalki razoŭ rabiłasia błaha. Ale jaho ŭ takich vypadkach advozili ŭ špital i tut ža viartali nazad.
Vyjšaŭ na svabodu biełarus, jakoha ŭ svoj čas prysudzili da pažyćciovaha źniavoleńnia. Heta pieršy viadomy taki vypadak9
Kamientary