Макрон гатовы паслаць войскі ва Украіну ў выпадку калі Расія пойдзе на Адэсу ці Кіеў
«Няма ніякіх межаў і чырвоных ліній», — сказаў Жардан Бардэла з «Нацыянальнага аб'яднання».
Лідар Камуністычнай партыі Францыі Фаб'ен Русель распавёў, што падчас сустрэчы з кіраўнікамі партыяў прэзідэнт Эманюэль Макрон абмяркоўваў сцэнар, пры якім могуць быць уведзеныя войскі ва Украіну, піша The Moscow Times са спасылкай на L'Independant.
Прэзідэнт Францыі сцвярджаў, што можа адправіць войскі ва Украіну, калі адбудзецца прарыў фронту ў бок Адэсы ці Кіева.
Свае каментары газеце далі і іншыя прадстаўнікі партый.
«Няма ніякіх межаў і чырвоных ліній», — сказаў Жардан Бардэла з «Нацыянальнага аб'яднання».
«Я прыехаў занепакоеным, а з'ехаў яшчэ больш занепакоеным», — растлумачыў прадстаўнік «Непакорнай Францыі» Мануэль Бампар.
Французскія ўлады разглядаюць магчымасць дазволіць спецназу і ваенным падраздзяленням перасякаць мяжу Украіны, паведамляла газета Le Monde.
Па звестках крыніц газеты, Парыж прапаноўваў даць ім магчымасць перасякаць украінскую мяжу, каб паставіць перад Расіяй «стратэгічную дылему».
Цяпер чытаюць
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2121
Каментары