«Прэзідэнт Зяленскі гэтага не просіць». У ЗША адрэагавалі на заклікі Макрона
Прэзідэнт Францыі Эманюэль Макрон падчас візіту ў Чэхію 5 сакавіка пацвердзіў раней сказаныя словы аб магчымасці адпраўкі заходніх войскаў ва Украіну і заклікаў еўрапейцаў «не быць баязліўцамі». На гэта адрэагавалі і ў Вашынгтоне.
Каардынатар стратэгічных камунікацый у Радзе нацыянальнай бяспекі Белага дома Джон Кірбі, каментуючы словы французскага прэзідэнта, заявіў, што амерыканскія войскі не будуць ваяваць ва Украіне.
«Я не буду аналізаваць словы прэзідэнта Макрона. У яго несумненна ёсць права і магчымасць выказваць сваё меркаванне. Я магу казаць толькі ад імя прэзідэнта Байдэна, галоўнакамандуючага. Ён з самага пачатку ясна даў зразумець, што амерыканскія войскі не будуць ваяваць на тэрыторыі Украіны», — падкрэсліў Кірбі.
Ён таксама адзначыў, што прэзідэнт Украіны Уладзімір Зяленскі ніколі не звяртаўся да заходніх краін з просьбай адправіць заходнія войскі для супрацьдзеяння расійскаму ўварванню.
«Прэзідэнт Зяленскі гэтага не просіць, ён толькі просіць пра інструменты і сродкі. Ён ніколі не прасіў, каб за яго краіну змагаліся замежныя войскі», — сказаў Кірбі журналістам.
Чытайце таксама:
Чаму Макрон раптам загаварыў пра магчымы ўвод заходніх войскаў ва Украіну
Макрон не выключыў магчымасці адправіць войскі заходніх краін ва Украіну
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары