Пра гэта яе муж даведаўся ад экс-зняволенай калоніі №24.
Актывістку Паліну Шарэнду-Панасюк у лютым змяшчалі ў ШІЗА. Верагодна, на 20 сутак. Пра гэта «Медыязоне» расказаў муж зняволенай Андрэй.
Пра тое, што актывістку змяшчалі ў ШІЗА, Шарэнда даведаўся ад экс-зняволенай калоніі №24.
«З яе словаў, Паліна прабыла ў атрадзе пасля карантыну прыкладна 2-3 тыдні. У канцы студзеня — пачатку лютага яе кінулі ў ШІЗА. У атрадзе яна з'явілася толькі ў самым канцы лютага, выглядала вельмі бледнай і схуднелай. Увесь гэты час Паліна была ў ШІЗА, імаверна 20 сутак. У пачатку сакавіка Паліна ізноў знікла з атраду, але куды дакладна — невядома», — расказаў Андрэй.
Паліну Шарэнду-Панасюк затрымалі ў студзені 2021 года, суд прысудзіў яе да двух гадоў калоніі паводле артыкулаў пра абразу Лукашэнкі, прадстаўніка ўлады і гвалт альбо пагрозу гвалтам міліцыянту (артыкулы 369, 368 і 364 КК).
Яна павінна была выйсці на волю ў 2022 годзе, аднак яе асудзілі па артыкуле аб непадпарадкаванні адміністрацыі калоніі (артыкул 411 КК) і дадалі год да тэрміну. Другі раз родныя чакалі Паліну на волі 6 жніўня 2023 года, аднак яе зноў прысудзілі да года калоніі па тым жа артыкуле.
Цяпер чытаюць
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»31
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары