Губернатары Курскай і Белгарадскай абласцей пацвердзілі спробу заходу ўкраінскіх ДРГ у Расію. Паводле іх інфармацыі, «прарыву не адбылося».
Курскі губернатар Раман Старавойт пацвердзіў атаку ДРГ у раёне пасёлка Цёткіна.
«Стралковы бой быў. Але ніякага прарыву не было», — заявіў Старавойт.
Па яго словах, у выніку абстрэлу адзін чалавек паранены.
У горадзе Грайварон (Белгародская вобласць) у выніку абстрэлаў розныя пашкоджанні выяўленыя ў 11 прыватных домаўладаннях і 5 аўтамабілях. Таксама аскепкамі пасечаны будынак раённага суда, паведаміў губернатар Вячаслаў Гладкоў.
Раней расійскія тэлеграм-каналы паведамілі пра спробу прарыву мяжы ў Белгародскай і Курскай абласцях. Ваюючыя на баку УСУ легіён «Свабода Расіі», РДК і Сібірскі батальён заявілі, што перайшлі мяжу і вядуць баі на тэрыторыі РФ.
Каментары