Грамадства66

У МДЛУ прымушаюць глядзець фільм пра «патрыятычных лекараў, якія не хочуць на Захад». У ход ідуць пагрозы

Адразу некалькі чалавек паведамілі «Нашай Ніве», што супрацоўнікаў і студэнтаў Лінгвістычнага ўніверсітэта пачалі заганяць на прапагандысцкі фільм «Ліст чакання», які заклікае маладых спецыялістаў не з'язджаць з Беларусі. Адмовіцца ад прагляду складана.

Мінскі дзяржаўны лінгвістычны ўніверсітэт. Фота: yandex.by

Як расказваюць крыніцы, адміністрацыя Мінскага дзяржаўнага лінгвістычнага ўніверсітэта пачала прымусова заганяць студэнтаў, выкладчыкаў і іншых супрацоўнікаў ВНУ на прагляд фільма «Ліст чакання» (ад «Беларусьфільма»), дзе прапагандуецца адмова ад эміграцыі на Захад сярод маладых спецыялістаў.

«Калі студэнт адмаўляецца, яго прымушаюць пісаць тлумачальную, а калі ён з'язджае дадому ў іншы горад, то прымушаюць паказваць квіткі для пацверджання ягоных словаў. Тым, хто адмаўляецца, кажуць, што ім усё роўна пакажуць фільм і прымусяць па ім напісаць эсэ», — распавяла адна з крыніц.

Яшчэ адна крыніца адзначыла, што людзей ужо некалькі дзён водзяць на фільм групамі па некалькі чалавек і што квіткі на яго закупіў рэктарат МДЛУ.

«Водзяць на фільм і супрацоўнікаў адміністрацыі», — заявіла іншая крыніца.

Сам фільм быў зняты студыяй «Беларусьфільм» і выпушчаны ў 2023 годзе. Паводле сюжэта «Ліста чакання», малады лекар хоча эміграваць у Германію дзеля высокіх заробкаў, а яго ўвесь фільм паспяхова адгаворваюць. 

Аўтар фільма — Аляксандр Яфрэмаў, кіраўнік Тэатра-студыі кінаакцёра, вядомы сваімі праўладнымі заявамі і сувязямі ў Адміністрацыі Лукашэнкі.

Праблема ад'езду з Беларусі кваліфікаваных медыцынскіх кадраў паўстала праз шырокамаштабныя рэпрэсіі і саўдзел нашай краіны ў вайне Расіі з Украінай. Для беларускіх дактароў на радзіме не вырашаныя экзістэнцыяльныя праблемы, а перадусім праблема бяспекі, і многія з'язджаюць якраз дзеля гэтага. Таму спадзявацца на тое, што іх ад гэтага кроку будуць спыняць прыгладжаныя ідэалагічныя творы, ніяк не выпадае.

«Наша Нiва» — бастыён беларушчыны

ПАДТРЫМАЦЬ

Каментары6

  • Пусть гонят
    13.03.2024
    Пусть гонят, кого загонят, быстрее поймут, что надо рвать когти с этого, скотного двора лукашенко.
  • Iza
    13.03.2024
    Калі вас да нечага прымушаюць дык у чым прблема? Ёсць пракуратура, суд, следчы камітэт, міністэрства адукацыі. Пішыце заявы, скаргі. Цяперака столькі галодных пракурораў, следакоў і чыноўнікаў. Кожны хоча есці, атрымаць прэмію, падняцца па кр’ернай лесьвіцы, атрымаць зорку. Дайце сваім слугам шанец, паверце яны чакаюць гэтага
  • Абармот
    13.03.2024
    Мотивируют молодежь еще быстрее эмигрировать.

Цяпер чытаюць

Дачакалася з войска і паехала з ім у рэйс. Пад Старымі Дарогамі загінула маладая пара з Бабруйска1

Дачакалася з войска і паехала з ім у рэйс. Пад Старымі Дарогамі загінула маладая пара з Бабруйска

Усе навіны →
Усе навіны

У Беларусі ўсё больш машын у продажы. Старыя карчы яшчэ складаней прадаць?3

Украіна нанесла ўдар па аэрадроме Ахтубінска каля Астрахані, у глыбіні Расіі3

Акцёр з «Купалы» выклаў у вольны доступ ШІ-фільм, які прынёс яму 450 тысяч даляраў1

Эйсмант разлічвае, што на перамовах па Украіне спрацуюць беларускія карані Кушнера15

У Мінску пасля пяці месяцаў працы закрываецца піцэрыя Foca1

З Кастрычніцкай у Мінску знік партрэт Караткевіча. Аўтар патлумачыў, чаму замяніў яго9

Пентагон скароціць менш амерыканскіх вайскоўцаў у Еўропе, чым планавалася раней

Сабаленка ўнеслі ў базу «Міратворца» пасля скандалу на матчы з украінкай Світолінай25

«Дзякуй жанчынам, якія дачакаліся». Tor Band паказалі сваю першую рэпетыцыю3

больш чытаных навін
больш лайканых навін

Дачакалася з войска і паехала з ім у рэйс. Пад Старымі Дарогамі загінула маладая пара з Бабруйска1

Дачакалася з войска і паехала з ім у рэйс. Пад Старымі Дарогамі загінула маладая пара з Бабруйска

Галоўнае
Усе навіны →

Заўвага:

 

 

 

 

Закрыць Паведаміць