На АНТ паказалі пашпарт «Новай Беларусі» на імя неіснуючага кэдэбіста. Кавалеўскі: У нас яшчэ нават няма ўзораў
У эфіры тэлеканала АНТ паказалі, як сцвярджаецца, пашпарт «Новай Беларусі» нібыта з першай пробнай партыі. Ён выдадзены на імя Коласава Генадзя Баляслававіча. Прыкол у тым, што гэта неіснуючы персанаж, чыё імя ўяўляе сабой абрэвіятуру КГБ.
Прапагандыст Ігар Тур запэўнівае, што падаў заяўку ў Офіс Ціханоўскай і атрымаў дакумент на выдуманага чэкіста і нейкага беларуса ўнутры краіны.
Ён паказаў чырвоную кніжачку і апошні разварот дакумента. Цікава, што на адной з прадэманстраваных старонак тэкст надрукаваны дагары нагамі.
Прадстаўнік Аб’яднанага пераходнага кабінета Валер Кавалеўскі кажа, што яны не выдавалі пашпарты.
«У нас яшчэ нават няма ўзораў. Прыём заявак на атрыманне не адкрываўся», — пракаментаваў Кавалеўскі «Нашай Ніве».
«Наша Нiва» — бастыён беларушчыны
ПАДТРЫМАЦЬ
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім14
Каментары