У Літве абмяркоўваюць, ці не ўнесці паняцце «ліцвінізм» у Крымінальны кодэкс
Меркаванне на гэты конт прэм’ер-міністаркі Літвы апублікавала выданне lrt.lt. Журналісты пішуць, што Інгрыда Шыманіце падзялілася ім у Сейме, не ўдакладняючы, ці яго задалі ёй кулуарна, ці гэта абмяркоўвалася на паседжанні.
Прэмʼер-міністарка Літвы Інгрыда Шыманітэ сумняваецца, што варта ўключаць у Крымінальны кодэкс паняцце ліцвінізму.
«Я не ведаю, ці варта дадаваць у Крымінальны кодэкс слова «ліцвінізм», таму што мне здаецца, у нас тады будзе доўгая дыскусія аб тым, што яно насамрэч азначае. Наш Крымінальны кодэкс не павінен змяшчаць такіх расплывістых паняццяў», — заявіла прэмʼер -міністр журналістам у Сейме ў чацвер.
Яна закранула гэтую тэму пасля паведамленняў разведслужбаў, што палітыкі і грамадскія дзеячы ў апошні час пачалі атрымліваць шмат электронных лістоў з пагрозамі ад груп, якія прапагандуюць ідэалогію ліцвінізму і нібыта дзейнічаюць у Літве.
Аднак Дэпартамент дзяржаўнай бяспекі (ДДБ) Літвы падкрэсліў, што ў Літве няма пагрозы арганізаваным групам, якія прапагандуюць ліцвінізм. На думку ДДБ, падобныя лісты звязаныя з псіхолага-інфармацыйнымі аперацыямі варожых дзяржаў і маюць на мэце дыскрэдытаваць беларускую дэмакратычную апазіцыю.
У апублікаванай ДДБ у пачатку сакавіка справаздачы было пазначана, што супрацоўнікі беларускай разведкі спрабавалі вербаваць прадстаўнікоў беларускай дыяспары ў Літве. Сярод яе прадстаўнікоў ёсць і асобы, якія прапагандуюць радыкальныя палітычныя погляды.
Прэм'ер Літвы: Расія паспрабуе зладзіць тут хаос
«Мы не дазволім беларускаму народу знікнуць за новай жалезнай заслонай». Ціханоўская апублікавала сумесны артыкул з Аналенай Бербак
Літва спыніла пропуск грузавых машын з Калінінградскай вобласці
Польшча і Літва выступаюць за сінхранізацыю санкцый адносна Беларусі і Расіі
Цяпер чытаюць
Адпачынак для бясстрашных і беспрынцыповых: што цяпер з турамі з Беларусі ў Крым?9
Каментары
Калі адняць ад беларуса перыяд ВЕЛЬМІ, то застанецца рускі без знака якасці. І маё літоўскія сябры з гэтым згодныя