На Запарожскай АЭС адключылася адна з дзвюх электраліній, што сілкуюць станцыю
Падчас маштабнага ракетнага нападу мінулай ноччу адключылася лінія электраперадачы «Дняпроўская», якая злучае Запарожскую АЭС, якую кантралююць расійскія войскі, з энергасістэмай Украіны, паведамляе ўкраінскі «Энергаатам».
У выніку цяпер станцыя злучаная з украінскай энергасістэмай толькі адной ЛЭП меншай магутнасці, якую, паводле паведамлення «Энергаатама», нядаўна адрамантавалі пасля пашкоджанняў у выніку чарговага расійскага абстрэлу.
«Такая сітуацыя вельмі небяспечная і пагражае аварыйнай сітуацыяй. Калі адключыцца апошняя лінія сувязі з айчыннай энергасеткай, ЗАЭС акажацца ў чарговым блэкаўце, што з'яўляецца цяжкім парушэннем умоў бяспечнай эксплуатацыі станцыі», — сказаў кіраўнік «Энергаатама» Пётр Коцін.
«Энергаатам» нагадаў, што з пачатку расійскай акупацыі АЭС перажыла восем поўных блэкаўтаў і адзін частковы.
«Радыяцыйны фон на станцыі і прылеглай тэрыторыі без змен і знаходзіцца на ўзроўні, які адпавядае нармальнай эксплуатацыі энергаблокаў і не перавышае натуральных фонавых прыродных значэнняў», — гаворыцца ў паведамленні ЗАЭС, якую кантралююць расіяне.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5555
Каментары