Чалавеку, які ўдарыў нажом губернатара Мурманска, здзейсніць злачынства загадаў голас у галаве
Стан Андрэя Чыбіса цяжкі, ён у рэанімацыі.
Стан губернатара Мурманскай вобласці Андрэя Чыбіса пасля нападу з нажом ацэньваецца як цяжкі, ён знаходзіцца ў рэанімацыі, паведаміў галоўны доктар Апатыцка-Кіраўскай ЦДБ Юрый Шыраеў, піша РБК.
Паводле яго слоў, Чыбіс быў праапераваны, аперацыя доўжылася больш за гадзіну. «Насамрэч яму вельмі моцна пашанцавала, што [ударам нажа] не была закранутая аорта», таму далей лячэнне ён будзе праходзіць у рэанімацыі», — сказаў галоўны доктар.
Пазней кіраўнік рэгіянальнага Міністэрства аховы здароўя ўдакладніў, што стан цяжкі, але стабільны. «Дапамога медыцынская ў неабходным аб'ёме аказана. Выканана лапаратамія, рэвізія, гемастаз», — растлумачыў ён.
Невядомы напаў з нажом на Чыбіса ўвечары 4 красавіка адразу пасля таго, як кіраўнік рэгіёну выйшаў на вуліцу з будынка ДК «Будаўнік», дзе праводзіў сустрэчу з жыхарамі Апатыт. Пасля ранення губернатар знаходзіўся ў прытомнасці і самастойна дабраўся да машыны.
Нападніка практычна адразу затрымаў супрацоўнік Расгвардыі. Як удакладнялі ў СК, мужчына аказаўся мясцовым жыхаром, ён быў паранены пры затрыманні ў нагу з пісталета. Ён з'яўляецца супрацоўнікам Расійскай чыгункі і раней некалькі разоў прыцягваўся да адміністрацыйнай адказнасці.
Паводле звестак Baza і «112», імя нападніка — Аляксандр Быданаў, яму 42 гады. Пасля затрымання ён паведаміў, што здзейсніць злачынства яму сказаў голас у галаве.
Цяпер чытаюць
Лукашэнка: Пры цяперашнім цячэнні вайны Беларусь з Расіяй не змаглі б абараніць беларускай мяжы ад Украіны20
Каментары
Брэшуць, падлы на карысць свайго фюрэра.
Пасыл такі, што толькі хворыя на галаву могуць напасці на пуцінскіх назначэнцаў якіх " любіць" народ.