Здароўе11

Якія прадукты найчасцей выклікаюць батулізм 

Пра тое, што такое батулізм і чым ён небяспечны, чаму, з'еўшы адзін і той жа прадукт, захворваюць не ўсе і як пазбегнуць заражэння, BAR24 даведаўся ў доктара-тэрапеўта Наталлі Уласавай.

Бактэрыі, якія выклікаюць батулізм, могуць знаходзіцца ў тым ліку ў вяленым, вэнджаным і слабасалёным мясе і рыбе. Фота: «Наша Ніва»

Батулізм — гэта вострае інфекцыйнае захворванне, выкліканае таксінам батулізму. Яно выяўляецца ў атручванні наймацнейшай атрутай, якую выпрацоўвае бактэрыя кластрыдыя батулізму.

Гэты мікраарганізм можа апынуцца ў хатніх кансервах, у вэнджанай і вяленай рыбе, у каўбасе і вяндліне. Яд бактэрыі паражае нервовую сістэму чалавека, парушаючы нервова-мышачную дзейнасць, і пры адсутнасці своечасовай медыцынскай дапамогі можа прывесці да смяротнага зыходу.

Добрая навіна ў тым, што небяспекі для навакольных хворы чалавек не ўяўляе.

Як распазнаць

Западозрыць батулізм можна па наступных прыкметах: сухасць у роце, ахрыпласць, гугнявасць, складанасці ў глытанні, вадкі стул, млоснасць і/або ваніты.

Таксама пры атручванні можа парушацца зрок. Напрыклад, перад вачыма з'яўляецца заслона або ў вачах дваіцца. Парушаецца таксама міміка (адбываецца парэз нерва твару), становіцца цяжка дыхаць. Пры моцнай інтаксікацыі чалавека можа нават паралізаваць.

Калі на працягу трох сутак пасля ўжывання вэнджаніны, кансерваў або хатніх нарыхтовак з'явіліся нейкія з гэтых прыкмет, трэба тэрмінова звярнуцца да доктара.

Небяспечныя прадукты

Бактэрыі, якія выклікаюць батулізм, могуць знаходзіцца ў хатніх агароднінных кансервах, у часнаку і цыбулі ў алеі, у салёных і марынаваных грыбах, у розных соусах, а таксама ў вяленым, вэнджаным і слабасалёным мясе і рыбе.

Цікава, што ў прадуктах з шчыльнай кансістэнцыяй (каўбаса, вяндліна і да т.п.) батулатаксін можа запасіцца нераўнамерна. Таму бывае так, што заражаную каўбасу паела ўся сям'я, а захварэў хтосьці адзін.

Рэч толькі ў ежы?

Большасць усіх выпадкаў захворвання складае харчовы батулізм. Але таксама сустракаецца дзіцячы і ранавы батулізм.

Першы тып бывае ў дзяцей ва ўзросце да 6 месяцаў, калі яны з ежай праглынаюць не сам таксін, а яго споры. Ён можа ўтрымлівацца ў ягадных і фруктовых пюрэ, мёдзе, варэнне, а таксама ў любых іншых прадуктах, якія не былі тэрмічна апрацаваны. Пасля 6 месяцаў кішачнік дзіцяці, як правіла, здольны абараніць арганізм ад росту спор і бактэрый.

Ранавы батулізм развіваецца, калі батулатаксін наўпрост трапляе ў адкрытую рану.

Сімптомы гэтых тыпаў захворвання такія ж, як і ў харчовага батулізму.

Як лячыць батулізм

Батулізм лечаць толькі ў бальніцы. Для гэтага хвораму прамываюць страўнік, робяць клізму, выклікаюць узмоцненае мачавыпусканне, а таксама абавязкова ўводзяць антыбатуліністычную сыроватку. Як правіла, працягласць лячэння складае мінімум месяц.

Калі хваробу своечасова выявіць і пачаць тэрапію, у тым ліку як мага раней увесці сыроватку, прагноз досыць добры: пасля некалькіх месяцаў чалавек цалкам здаравее.

Ад стомы да смяротнага зыходу

Захворванне небяспечна тым, што яно прыводзіць да слабасці цягліц (людзі скардзяцца на моцную стомленасць, ім становіцца складана рухацца, а часам нават падымаць і трымаць галаву) і да недахопу паветра, з-за таго, што чалавек не можа ўдыхнуць на поўныя грудзі.

Калі батулізм не лячыць, ён можа прывесці да спынення дыхання.

Як не захварэць

Найлепшая прафілактыка батулізму — ужыванне ў ежу кансерваў, каўбас, вэнджаніны і іншых прадуктаў толькі прамысловага падрыхтоўкі.

Калі без хатніх нарыхтовак ніяк не абысціся, то варта прытрымлівацца наступных правілаў:

  • не купляць кансервы з рук і не рабіць закаткі з даўно знятых альбо сапсаваных гародніны, садавіны, ягад і грыбоў;
  • вельмі старанна мыць ад зямлі ягады, садавіну, гародніну і грыбы;
  • падтрымліваць чысціню на кухні;
  • пасля ўлову рыбу трэба як мага хутчэй вытрыбушыць, прамыць пад праточнай вадой і захоўваць у халадзільніку або лядоўні;
  • калі ёсць магчымасць пракіпяціць або прасмажыць кансерваваныя прадукты, варта гэта зрабіць, так як на працягу 20-25 хвілін такой тэрмічнай апрацоўкі батулатаксін руйнуецца;
  • не есці прадукты са слоікаў, якія надзьмуліся (гэта тычыцца і сокаў у тетрапаках).

@nashaniva

♬ Donki, fun loop music playing in the supermarket(844392) - スキャット後藤

Каментары1

  • Крый божа
    07.04.2024
    Цікава.

Цяпер чытаюць

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Усе навіны →
Усе навіны

Перастаў працаваць паблік «Беларуская турма» ў сацыяльнай сетцы «УКантакце»1

Пальчыс адказаў на прэтэнзію — «чаму народ вадзілі па праспектах» у 2020‑м60

Ціханоўскі з Карач згенеравалі 50‑старонкавы «маніторынг» дзейнасці «Нашай Нівы». Што з ім не так?43

Фонд Талая, што вінавацяць у русіфікацыі ўкраінскіх дзяцей, стварае цэнтр пад Барысавам3

У Гродзенскім заапарку нарадзілася дзіцяня міні-аленя — яго выратавала каза4

Сузаснавальнік Telegram Мікалай Дураў упершыню ажаніўся. Яго жонка можа быць звязаная з расійскімі спецслужбамі18

«Працаваў у дальнабоі больш за 20 гадоў». Што вядома пра загінулага ў страшным ДТЗ у суботу пад Старымі Дарогамі кіроўцу грузавіка?2

Памерла партызанка Клаўдзія Сяргеева. Ёй было 98 гадоў4

У Мінску запусцяць паліцэйскія дроны з Дубая, якія самі, без аператараў, вылятаюць з боксаў ВІДЭА3

больш чытаных навін
больш лайканых навін

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Галоўнае
Усе навіны →

Заўвага:

 

 

 

 

Закрыць Паведаміць