Мінздароўя можа зняць забарону на продаж у Беларусі папулярнай гарбаты
Вытворца робіць высілкі, каб выправіць сітуацыю.
Міністэрства аховы здароўя пракаментавала забарону на ўвоз гарбаты расійскай кампаніі «Арымі». У ведамстве распавялі, пры якіх умовах папулярны прадукт можа зноў з'явіцца на прылаўках крам.
Было заяўлена, што чорная гарбата марак «Прынцэса Кандзі» і «Прынцэса Гіта» не адпавядае тэхрэгламенту Мытнага саюза па паказчыках бяспекі. У прыватнасці, у прадукцыі выявілі перавышэнне дапушчальнага ўзроўню цвілі. Пастановай намесніка міністра аховы здароўя — галоўнага санітарнага доктара ад 1 красавіка была накладзеная забарона на продаж гэтай гарбаты на тэрыторыі краіны.
— Зараз вытворца праводзіць шэраг карэктуючых мерапрыемстваў з мэтай фарміравання доказаў, якія сведчаць стабільнасць працэсаў вытворчасці, захоўвання, транспарціроўкі прадукцыі, а таксама дзейснасць сістэмы кантролю бяспекі, уключаючы вынікі лабараторных даследаванняў, дзяржаўнага кантролю (нагляду) за выкананнем рэгламентаваных патрабаванняў пры вытворчасці харчовай прадукцыі, — адзначылі ў Міністэрстве аховы здароўя.
Калі такія доказы будуць сфармаваныя, падкрэслілі ў ведамстве, то абмежаванні на ўвоз і продаж у Беларусі прадукцыі кампаніі «Арымі» могуць зняць ва ўстаноўленым законам парадку.
Цяпер чытаюць
Ад рэкету да продажу фота магіл. Як выглядае знутры групоўка Project X, якая вярбуе людзей для перавозкі мігрантаў з Беларусі ў ЕС4
Каментары