Расійскія авіякампаніі могуць запусціць прамыя рэйсы паміж Масквой і Гродна. Гэта вынікае з тэлеграмы Расавіяцыі, якая была разасланая расійскім авіякампаніям.
Фота: партал мэра і ўрада Масквы/Максім Дзянісаў
«У адпаведнасці з лістом Генконсульства РФ у Гродне просім у тэрмін да 18 красавіка прадаставіць <…> інфармацыю аб зацікаўленасці вашых авіякампаній у выкананні палётаў па маршрутах з пунктаў на тэрыторыі Расійскай Федэрацыі ў Гродна», — адзначаецца ў тэлеграме, піша ТАСС.
Пакуль прамыя палёты ў Расію (Масква, Санкт-Пецярбург, Казань, Сочы) ажыццяўляюцца з Мінска, Гомеля і Брэста.
Аэрапорт Гродна ўведзены ў эксплуатацыю ў 1983 годзе, цяпер ён не абслугоўвае рэгулярныя рэйсы. Аднак летась мясцовыя ўлады паведамлялі, што аэрапорт тэхнічна гатовы да аднаўлення рэгулярных рэйсаў.
Цяпер чытаюць
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку2323
Каментары