Знік тата дзяўчынкі з СМА, якой беларусы сабралі на самыя дарагія лекі ў свеце
Знік Сяргей Церабавец — тата дзяўчынкі Лізы з СМА, якой зусім нядаўна беларусы сабралі грошы на самы дарагі прэпарат у свеце (адна ін'екцыя Zolgensma каштуе каля 1 мільёна 820 тысяч долараў). Паведамленне пра гэта з’явілася ў акаўнце дзяўчынкі ў інстаграме.
![](http://nashaniva.com/img/w840d4webp1/photos/z_2024_02/54740-s1x6n.png.webp)
Апошні раз Сяргея бачылі 10 красавіка. Ён меў ехаць на аўтобусе з Гданьска ў Мінск, але раптоўна сувязь з ім знікла. Вядома, што ў польскім горадзе мужчына жыў у раёне Zaspa.
Сяргею 41 год, ягоны рост 170 сантыметраў, ён хударлявы. На правай руцэ ў яго татуіроўка «за вас».
Тых, хто нешта ведае пра Сяргея Церабаўца, просяць паведаміць яго жонцы. Дома мужчыну чакае трое дзяцей. Дарэчы, 5 красавіка адбылося тое, чаго ўся сям'я чакала доўгі час — Лізе зрабілі ін'екцыю Zolgensma.
Па інфармацыі «Нашай Нівы», мяжы з Беларуссю мужчына не перасёк.
![](http://nashaniva.com/img/w732d4webp1/photos/z_2024_04/poiski_polsha-w7f30.jpg.webp)
![](http://nashaniva.com/img/w732d4webp1/photos/z_2024_04/tsierabaviec-a81ir.jpg.webp)
UPD. Сяргей Церабавец знайшоўся ўранку 18 красавіка. Мы паведамім падрабязнасці, калі яны стануць вядомыя.
Каментары