«Выпалім жалезам». Туск паведаміў, што напад на паплечніка Навальнага заказаў беларус
За нападам на Леаніда Волкава ў Вільні стаіць грамадзянін Беларусі. Ён затрыманы, заявіў сёння прэм'ер-міністр Польшчы. Са словаў Туска, беларус замовіў напад двум грамадзянам Польшчы.
«Патэнцыйны забойца прэзідэнта Зяленскага — паляк, які дзейнічае ў супрацоўніцтве з расійскімі службамі, — арыштаваны 2 дні таму.
Беларус, які працуе на расіянаў, які замовіў двум палякам забойства паплечніка Навальнага, затрыманы. Нападнікі таксама ўжо затрыманыя.
Яны звязаны з коламі фанатаў ультрас. Гэта толькі ў красавіку. Ніякай ласкі да супрацоўнікаў расійскіх службаў не будзе. Выпалім жалезам кожную здраду і спробу дэстабілізацыі», — напісаў Туск у сацсетцы X.
Пра затрыманне двух чалавек, якіх падазраюць у нападзе на Леаніда Волкава, паведаміў сёння Гітанас Наўседа.
«У Польшчы затрыманы два чалавекі, якія падазраюцца ў збіцці расійскага апазіцыянера Леаніда Волкава. Я дзякую Польшчы за выдатную працу, якую яна зрабіла, я гаварыў аб гэтым з прэзідэнтам Польшчы і падзякаваў ім за выдатнае супрацоўніцтва», — сказаў прэзідэнт Наўседа.
Прэзідэнт Літвы таксама не ўдакладніў, хто гэтыя людзі і грамадзянамі якой краіны з'яўляюцца.
«Я пакуль не ведаю ніякіх іншых падрабязнасцяў, але магу сказаць: я бачыў, як энергічна і настойліва працавала літоўская паліцыя на працягу апошняга месяца па гэтай справе, і вельмі рады, што гэтая праца апынулася выніковай», — напісаў у сваю чаргу Леаніда Волкаў у твітары.
На паплечніка Навальнага Леаніда Волкава напалі ў Вільні 12 сакавіка. Яму разбілі малатком акно ў машыне і распылілі ў вочы слёзацечны газ, пасля чаго нападнік стаў біць Волкава малатком.
У Польшчы затрымалі двух чалавек, якіх падазраюць у збіцці расійскага апазіцыянера Волкава ў Вільні
«Гэта такі тыповы бандыцкі прывет ад Пуціна». У Леаніда Волкава дыягнаставалі пералом рукі пасля таго, як на яго напалі ў Вільні
Z-блогер з Расіі сцвярджае, што ягоныя паплечнікі напалі на Леаніда Волкава
На паплечніка Навальнага Леаніда Волкава напалі ў Вільні
Цяпер чытаюць
Вялікая гутарка з Лесяй Руднік пра сэксізм, мужа-рэслера, заробак доктаркі навук у Швецыі, апазіцыю і памылку Еўрасаюза5
Вялікая гутарка з Лесяй Руднік пра сэксізм, мужа-рэслера, заробак доктаркі навук у Швецыі, апазіцыю і памылку Еўрасаюза
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1616
Каментары