Першую ў Магілёве вертыкальную велапаркоўку паставілі, як і абяцалі раней, 27 красавіка, да адкрыцця веласезона, піша Magilev.online.
Праўда, застаюцца няяснасці з месцам канчатковай устаноўкі. Папярэдне паведамлялася, што канструкцыя з'явіцца каля гандлёвага цэнтра «Атрыум», аднак сёння паркоўку прэзентавалі на магілёўскай цэнтральнай плошчы Леніна. Верагодна, пасля яе перанясуць.
Новая велапаркоўка вытворчасці прадпрыемства «Магілёўліфтмаш» уяўляе сабой вертыкальна ўсталяванае кола з прымацаванымі своеасаблівымі кабінкамі. На канструкцыі вышынёй чатыры метры змесціцца шэсць ровараў.
Збоку ад велапаркоўкі знаходзіцца ручны датчык руху, з дапамогай якога яна і запускаецца. Ровар трэба будзе паставіць на парковачнае месца і замацаваць рамянямі бяспекі.
Год таму ў Магілёве ўсталявалі некалькі шасціпавярховых вертыкальных аўтапарковак.
Каментары