Меркаванні1010

Ці ёсць шанец на адлігу да сыходу Лукашэнкі? Разважае Чалы

Аналізуючы Усебеларускі народны сход, эканаміст Сяргей Чалы выказаўся пра перспектывы пераменаў у краіне. І патлумачыў свой прагноз пра тое, што Лукашэнка не пойдзе на наступныя выбары.

Лукашэнка цяпер яшчэ і ўзначальвае Усебеларускі народны сход. Фота: Gavriil Grigorov Sputnik Kremlin Pool Photo via AP

Ці спыніць Лукашэнка рэпрэсіі?

Разважаючы пра тое, ці чакаць адлігі пры Лукашэнку, Сяргей Чалы ў эфіры Deutsche Welle прапануе паглядзець на сітуацыю з боку двух суб'ектаў, ад якіх усё залежыць. Гэта заказчык — Лукашэнка — і выканаўцы — сілавікі.

Лукашэнка, заўважае Чалы, пасля 2020-га працягвае трымацца версіі пра тое, што «ніякай самаарганізацыі народу не было, гэта ўсё змова». На практыцы гэта азначае працяг пошуку ворагаў:

«Бачных ворагаў ці пасадзілі, ці рэпрэсавалі, ці выгналі. Але сітуацыя не змянілася. Значыць ёсць нябачныя ворагі. Трэба працягваць іх шукаць. Стандартная логіка любых рэпрэсій, якія заснаваны на канспіралагічнай карціне свету».

Падобным чынам выглядае сітуацыя і з пункту гледжання выканаўцаў-сілавікоў. «Чаму яны будуць спыняцца? Яны толькі цяпер радасць і атрымліваюць, — гаворыць Чалы і адзначае, што змены несумненна адбудуцца пасля сыходу Лукашэнкі:

Мы ведаем, што ніякі персаналісцкі рэжым не транслюецца. Пасля яго адбудзецца абсалютна поўная рэвізія таго, што ён зрабіў. Адбудзецца аналаг XX-га з'езду. <…> І гэта Лукашэнка вельмі добра разумее. <…> Таму ён вынаходзіць шматлікія канструкцыі і ідэі, якія, як яму падаецца, былі б здольныя трансляваць яго курс і пасля яго».

Аднак, падкрэслівае Чалы, ніякага працягу курсу не будзе: «Любы наступны кіраўнік пасля яго будзе шукаць сваю ўласную легітымнасць. І гэты пошук будзе адбывацца менавіта ў тым, што «пры мне будзе ўсё зусім інакш».

@nashaniva Што будзе, калі памрэ Лукашэнка? Прагноз Чалага #лукашенко #александрлукашенко #пенсионеры #сергейчалый #нашаніва #беларускаямова #беларусь ♬ Minimal for news / news suspense(1169746) - Hiraoka Kotaro

Лукашэнка працягвае думаць пра транзіт улады

Сяргей Чалы раней выказваў меркаванне, што Лукашэнка не пойдзе на прэзідэнцкія выбары ў 2025 годзе. Па яго словах, такая версія была ім выказанае наўмысна, каб прымусіць улады ўжо цяпер адказваць на гэта пытанне.

Згадваючы выступленне Лукашэнкі на Усебеларускім народным сходзе, эканаміст звяртае ўвагу, што палітык адказаў на гэта пытанне тры разы. І кожны раз цалкам супрацьлегла:

«Ён расказаў усе версіі, якія толькі магчымы. І ўсе, як потым сказала прапаганда, адназначныя. Іншымі словамі, ён усё яшчэ працягвае думаць. Ніякага адказу ён не даў».

Каментары10

  • ?
    29.04.2024
    Што значыць сыйдзе? Куды ён можа сысьці калі ў "краіне не да законаў"? Ствараюцца па-за межамі Канстытуцыі ворганы. Армія якая прэдала народ і асіміліравалася з банд-фармаваньнем усходняга суседа. Рэдакцыя Вы пра што агулам? Зьдзейсьнены агрэсія на суседа праз нашу тэрыторыю. Хтосьці захоча браць на сябе адказнасьць за злачынства?
  • Кастусь
    29.04.2024
    если лукашенку 4 раза задать вопрос "пойдешь на новые выборы" то он ответит
    1 раз - да пойду
    2 раз - нет, не пойду, наелся
    3 раз -  если трудовые коллективы попросят - то пойду
    4 раз просто будет смотреть как баран на новые ворота потому что вообще не поймет о чем речь
  • даведка
    29.04.2024
    Репрессии будут продолжаться, потому что каждый силовик понимает, что только чужой кровью сможет заслужить себе место заместителя по безопасности, инспектора сельсовете или на крайний случай инженере по ТБ...

Цяпер чытаюць

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць