У Мінску падаражэлі праязныя білеты. А канкрэтней — праязныя на ўсе віды гарадскога грамадскага транспарту: аўтобусы, тралейбусы, трамваі, метро і гарадскія электрычкі. Звязана гэта з павышэннем тарыфаў на праезд па чыгунцы, піша «Блізка».
Цэны на квіткі чыгункі выраслі ў сярэднім на 3,5-4%. У сувязі з гэтым падаражэлі і праязныя Мінсктранса, сумешчаныя з гарадскімі электрычкамі чыгункі.
Вось табліца новых цэн.
Такія цэны ўжо дзейнічаюць у касах, напрыклад, на станцыях метро.
Ці моцна падаражэлі праязныя? Параўнаем на прыкладзе самага дарагога варыянту: гарадская электрычка + іншыя віды транспарту на 30 сутак.
- Электрычка + метро: было 107,40 рубля, стала 109,47 рубля (1,93%).
- Электрычка + 1 від наземнага транспарту: было 105,15 рубля, стала 107,22 рубля (1,97%).
- Электрычка + аўтобус + тралейбус + трамвай + метро: было 91,19 рубля, стала 92,43 рубля (1,36%)
Пры гэтым ужо амаль год (нават нягледзячы на некалькі хваляў падаражэння праезду) захоўваецца дзіўная неадпаведнасць: праязны на ўсе віды каштуе танней, чым праязны на 2 віды транспарту.
Звярніце ўвагу, што праязны на 5 відаў (электрычка + аўтобус + тралейбус + трамвай + метро) каштуе 92,43 рубля, а праязны на 2 віды (электрычка + метро) — 109,47 рубля. Розніца складае 18%. Гэта тэндэнцыя захоўваецца і для праязных на карацейшыя тэрміны: 3, 5, 10 сутак.
Цяпер чытаюць
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку27
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1414
Каментары