Гэтай ноччу адбылася масіраваная атака на энергааб'екты ў шасці абласцях Украіны
Наступствы ўдакладняюцца. Энергетыкі ўжо працуюць над ліквідацыяй наступстваў удараў.
У ноч на 8 мая атакаваныя аб'екты генерацыі і перадачы электраэнергіі ў шасці абласцях: Палтаўскай, Кіраваградскай, Запарожскай, Львоўскай, Івана-Франкоўскай і Вінніцкай, расказаў міністр энергетыкі Украіны Герман Галушчанка.
«Вораг не пакідае планаў пазбавіць украінцаў святла. Эканомнае выкарыстанне электраэнергіі — уклад кожнага з нас у перамогу. Адказнае спажыванне ў ранішнія і вячэрнія гадзіны асабліва важна», — напісаў Галушчанка ў сваім фэйсбуку.
У ноч на сераду Расія нанесла па Украіне ракетны ўдар. Ва ўсіх абласцях краіны была абвешчаная паветраная трывога.
У Кіеве не зафіксавана пацярпелых людзей і разбурэнняў. Усе паветраныя цэлі ў раёне сталіцы знішчыла супрацьпаветраная абарона.
Цяпер чытаюць
«Цяпер мне чужая сама канцэпцыя ўжыць нешта, чаго ты не ведаеш». Вялікая гутарка з Іванам Шылам пра бізнэс, зараблянне з дапамогай ШІ, жанчын і ботакс17
Каментары