Кітайцу з амерыканскім пашпартам забаранілі ўезд у Беларусь. Магчыма, пасля праверкі тэлефона
У сацсетцы Reddit з’явіўся пост замежніка, якому забаранілі ўезд у Беларусь. Мужчына лічыць, што прычынай мог стаць яго новы тэлефон.
Ананімны карыстальнік спрабаваў трапіць на беларускую тэрыторыю 2 мая, ён меў візу тыпу С, выдадзеную з турыстычнай мэтай. Але візу яму анулявалі.
У каментарах мужчына расказаў, што па нацыянальнасці ён кітаец, але атрымаў амерыканскае грамадзянства, таму ў яго пашпарт ЗША. Ён збіраўся трапіць з Польшчы ў Беларусь, а пасля ў адну з балтыйскіх дзяржаў. Наступным пунктам падарожжа была Расія (у мужчыны ёсць расійская віза), а потым ён нарэшце мусіў трапіць у Кітай.
Перад тым, як паставіць мужчыне забарону на ўезд, памежнікі праверылі яго тэлефон. Ён лічыць, што праз гэта і мог атрымаць бан — маўляў, ён мае новы смартфон, а гэта магло падацца памежнікам падазроным. У каментарах адзначаюць, што бан мог быць звязаны і з адказамі грамадзяніна ЗША на пытанні памежнікаў, быццам бы ў адказах ім нешта не спадабалася.
У старым універсітэце падарожніка, як і ў шматлікіх іншых універсітэтах па ўсіх Штатах, праходзяць прапалесцінскія пратэсты, таму ён абмяркоўваў тэму палесцінска-ізраільскага канфлікту ў сацсетцы Х (твітар). Пра расійска-ўкраінскую вайну, піша мужчына, ён у сеціве не выказваўся.
На сайце Памежнага камітэта можна праверыць, ці забаронены вам уезд у Беларусь, але ж гэтая старонка не адкрываецца з-за мяжы, таму мужчына не здолеў пашукаць там свае даныя. У яго атрымалася толькі даслаць ліст у МЗС, у якім ён просіць патлумачыць сітуацыю.
Мужчына таксама высветліў, што з банам на ўезд у Беларусь ён аўтаматычна атрымаў і бан на ўезд у Расію, а для яго гэта азначае крах усяго маршрута. У каментарах яму прапануюць пракласці новы маршрут праз Турцыю ці купіць білет на самалёт.
«Наша Нiва» — бастыён беларушчыны
ПАДТРЫМАЦЬЧытайце таксама:
На беларуска-польскай мяжы затрымалі расійскага дэзерціра. Імаверна, ён ішоў проста з фронту
Беларусу на мяжы сказалі, што ў яго «вісіць» данат «экстрэмістам»
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары