Мінздароўя расказала, што за праблемы былі ў брэсцкай кавярні, дзе атруціліся 19 чалавек
Міністэрства аховы здароўя апублікавала заяву па выніках праверкі брэсцкай кавярні, у якой пасля гастрафэсту атруціліся 19 чалавек.
У ведамстве расказалі, што ў кавярні выявілі парушэнні ў частцы забеспячэння санітарна-эпідэміялагічнага стану. Так, ва ўстанове не выконваліся правілы тэрмічнай апрацоўкі страў, якія гатаваліся з сырых эпідэміялагічна значных прадуктаў.
Акрамя таго, работнікі кавярні парушалі правілы асабістай гігіены — сярод іх былі выяўлены носьбіты кішэчнай інфекцыі.
Праца кавярні цяпер прыпыненая, матэрыялы праверкі будуць перададзеныя ў пракуратуру. У дачыненні да адказных асоб ужо склалі адміністрацыйныя пратаколы.
Нагадаем, што пасля наведвання брэсцкай кавярні ў рамках гастрафэсту ў 19 гасцей зарэгістравалі гастраэнтэрыт меркавана інфекцыйнага паходжання. Усе наведвальнікі заказвалі сэт з чатырох страў. 12 чалавек былі шпіталізаваныя.
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння77
Каментары