Пентагон пра сітуацыю на фронце ва Украіне: Сітуацыя складаная, выклікае непакой
У Міністэрстве абароны ЗША заявілі, што армія РФ цяпер спрабуе прасунуцца наперад на тэрыторыі Украіны, сітуацыя на полі бою складаная − і ўсё гэта выклікае непакой, паведаміў на брыфінгу прадстаўнік Пентагона Пэт Райдэр
«Цяпер ва Украіне складаная сітуацыя на полі бою. Але па ўсіх даных, вы ведаеце, што ўкраінцы працягваюць прымаць меры для абароны сваёй тэрыторыі. І мы зробім усё магчымае, каб даць ім крытычна важнае ўзбраенне і харчы, у якіх яны маюць патрэбу».
Прадстаўнік падкрэсліў, што цяпер амерыканскі бок працуе над тым, каб паскорыць аказанне дапамогі Украіне.
На пытанне, што магло стаць прычынай абвастрэння сітуацыі, Райдэр сказаў, што гэта была сукупнасць розных фактараў, сярод якіх і затрымка з ухвалай дапамогі з боку ЗША.
«Зразумела, што ёсць іншыя партнёры па ўсім свеце, якія аказваюць дапамогу Украіне. Але расейцы скарысталіся сітуацыяй на полі бою і спрабуюць прасунуцца наперад. Якімі б нязначнымі ні былі гэтыя прасоўвання, гэта, безумоўна, выклікае непакой», — падсумаваў прадстаўнік Пентагона.
Учора вечарам паведамлялася, што ўкраінскія падраздзяленні адышлі ад Ваўчанска ў Харкаўскай вобласці, дзе зараз разгортваюцца асноўныя падзеі, на «больш выгадныя пазіцыі».
Цяпер чытаюць
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»28
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары