Прэс-сакратар Пентагона Патрык Райдэр заявіў, што Расія размясціла ў космасе супрацьспадарожнікавы апарат. Са слоў прадстаўніка Мінабароны ЗША, апарат быў выведзены на арбіту 16 траўня, паведамляе «Медуза».
«Расея запусціла на нізкую калязямную арбіту спадарожнік. Паводле нашых ацэнак, гэта, імаверна, супрацькасмічная зброя, меркавана здольная атакаваць іншыя спадарожнікі на нізкай калязямной арбіце», — адзначыў Райдэр.
Расійскі апарат вывелі на тую ж арбіту, на якой знаходзіцца ўрадавы спадарожнік ЗША. Раней пра тое, што Расія вывела супрацьспадарожнікавы апарат у космас, паведамляў пастаянны прадстаўнік ЗША ў ААН Роберт Вуд.
Прэс-сакратар Уладзіміра Пуціна Дзмітрый Пяскоў заявіў, што Расія дзейнічае ў адпаведнасці з міжнародным правам і нічога не парушае. Паводле яго, Масква выступала за забарону зброі ў космасе, але гэтыя ініцыятывы адкінулі, у тым ліку ЗША.
Амэрыканская разведка лічыць, што Расія распрацоўвае касмічную ядзерную зброю.
Цяпер чытаюць
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм1818
Каментары