Грамадства33

Адным з затрыманых у Польшчы па «справе аб падпалах» беларусаў можа быць раней судзімы былы баец ММА

Адным з затрыманых у Польшчы па падазрэнні ў арганізацыі падпалаў грамадзян Беларусі можа быць мінчук Сцяпан Касцючэнка, піша «Позірк», спасылаючыся на матэрыялы, перададзеныя яму аб'яднаннем былых сілавікоў BelPol.

Агенцтва ўнутранай бяспекі Польшчы (ABW). Здымак ілюстрацыйны. Фота: gov.pl

28 мая стала вядома, што Агенцтва ўнутранай бяспекі Польшчы (АВБ) затрымала ў Варшаве некалькі чалавек па падазрэнні ў здзяйсненні падпалаў на тэрыторыі краіны. У іх ліку апынуўся ўладальнік аўтамабіля Renault з беларускімі дзяржаўнымі нумарамі 8678 PE-7.

Паводле інфармацыі BelPol, уладальнікам аўто з'яўляецца жыхар Мінска 1987 года нараджэння Сцяпан Касцючэнка. Чалавека з такім жа імем, прозвішчам і падобнай фатаграфіяй удалося выявіць у сетцы прафесійных кантактаў LinkedIn, дзе пазначана, што мужчына знаходзіцца ў Польшчы.

Супадае таксама дата нараджэння (14 лютага) і месца працы, якія ўдалося высветліць Belpol — у 2010—2018 гадах ён працаваў у ААТ «Амкадор». Аднак у інфармацыі экс-сілавікоў пазначана, што мужчына быў слесарам, а ў анкеце ў сацсетцы пазначаная пасада «вядучы інжынер».

Са студзеня па ліпень 2019 года Касцючэнка працаваў спецыялістам па аптовых продажах унітарнага прадпрыемства «ПС Аўта груп», з мая па лістапад 2020 года — спецыялістам па пасляпродажным абслугоўванні СП «Святавіт».

Таксама «Позірку» атрымалася высветліць, што ў чэрвені і лістападзе 2011 года мужчына браў удзел як мінімум у двух баях па змешаных адзінаборствах (ММА): у турнірах «Еўрапейская M-1 бітва» і «M-1 BFC 13— Мінск-Файт». Абодва баі ён прайграў.

Даныя, атрыманыя ад BelPol, сведчаць, што Касцючэнка быў асуджаны да трох гадоў абмежавання волі без накіравання ў папраўчую ўстанову па арт. 70 (прызначэнне больш мяккага пакарання, чым прадугледжана за гэтае злачынства і арт. 205 (крадзеж, учынены арганізаванай групай альбо ў асабліва буйным памеры) Крымінальнага кодэкса.

Паводле фабулы злачынства, мужчыну палічылі вінаватым у выкраданні 35 мабільных тэлефонаў на суму 7,1 млн рублёў. Акрамя таго, мінчук, як сцвярджаецца, 30 разоў прыцягваўся да адміністрацыйнай адказнасці па лініі Дзяржаўтаінспекцыі.

Таксама рэдакцыі вядома, што мужчына жанаты і ў яго ёсць дачка.

На пытанне «Позірка», ці мог мужчына быць завербаваны спецслужбамі, у BelPol адказалі, што такая «верагоднасць вельмі высокая».

29 мая Gazeta Wyborcza паведаміла, што «ў склад дыверсійнай групы, якая дзейнічала па заданні расійскай разведкі», уваходзілі «грамадзянін Польшчы Каміль К. і двое беларусаў: Андрэй В. і Стэфан М.»

На літару «М» пачынаецца прозвішча жонкі меркаванага фігуранта. Акрамя таго, мужчына ў кайданках на фота, апублікаваным польскім выданнем, нягледзячы на накладзены на твар чорны прастакутнік, падобны да Касцючэнкі, фатаграфія якога, як сцвярджаецца, ёсць у рэдакцыі «Позірка», але яна яе не публікуе.

Каментары3

  • Ъеъ
    01.06.2024
    Паспрабуйце таксама пашукаць штосьцi пра амкадор. Гэта дужа мутная кантора... 
  • Хех
    01.06.2024
    Когда в Беларуси задерживают за шпионаж либо терроризм (взрывы и поджоги), то бчб во всем сомневаются. А тут сразу поверили польским спецслужбам.
    Кстати, наша нива, напомните мне,что сделали с полицейскими польскими, убившими в околотке вашего бчб? Вы отслеживание желанную информацию или вам все равно?;)
    • Городовой
      02.06.2024
      Хех, околоток, не задавай здесь вопросов
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Знікненне спікеркі КР Анжалікі Мельнікавай. Усё важнае, што вядома на гэты момант19

Знікненне спікеркі КР Анжалікі Мельнікавай. Усё важнае, што вядома на гэты момант

Усе навіны →
Усе навіны

Візіт Вэнса ў Грэнландыю: віцэ-прэзідэнт ЗША распавёў пра пагрозы з боку Расіі і паабяцаў не ўжываць сілу1

У Мінску створаць першы атрад народнага апалчэння5

У Каардынацыйнай радзе новы спікер пасля знікнення Анжалікі Мельнікавай16

Больш за 1000 чалавек загінулі ў выніку землятрусу ў М'янме

У беларускай гімназіі ў Вільні з'явяцца дадатковыя месцы. Але заяўкі трэба пакідаць зараз2

«Ферментаваны напой, скарбніца прабіётыкаў». Захад з захапленнем адкрыў для сябе квас27

Анжаліка Мельнікава вылецела з Польшчы ў Вялікабрытанію11

Расіяне атакавалі беспілотнікамі Дняпро

У Баранавіцкім раёне знік 10-гадовы хлопчык

больш чытаных навін
больш лайканых навін

Знікненне спікеркі КР Анжалікі Мельнікавай. Усё важнае, што вядома на гэты момант19

Знікненне спікеркі КР Анжалікі Мельнікавай. Усё важнае, што вядома на гэты момант

Галоўнае
Усе навіны →

Заўвага:

 

 

 

 

Закрыць Паведаміць