«Я не ведала, хто яна такая». Бондарава апраўдваецца за наезд на нявестку Лукашэнкі
Блогер Андрэй Павук пазваніў даносчыцы Вользе Бондаравай, каб спытаць яе пра крытыку ў бок Ганны Сялук (пад гэтым псеўданімам піша песні нявестка Лукашэнкі Ганна Лукашэнка). Размову паказалі ў «Шухер-шоу» на Белсаце.
Нагадаем, Бондарава нядаўна, пабачыўшы прозвішча Сялук у праграме дзяржаўнага канцэрта разам з іншымі нямілымі ёй артыстамі, назвала нявестку Лукашэнкі бэчэбескай і змагаркай. Праўда, хутка выдаліла допіс.
Андрэй Павук у размове з даносчыцай прадставіўся кадэбістам.
— Крыху памыліліся вы там наконт Ганны Сялук, хацелі б вас па тэлефоне папярэдзіць, без ніякай позвы: будзьце ўважлівыя проста, калі ўчыняеце свае ініцыятывы.
— Я не ведала, хто яна такая, пакуль мне пра гэта не ўдакладнілі, — апраўдвалася Бондарава.
— Разумееце, усё ж такі чалавек не апошні. Было дзіўна даведацца, што вы не ў курсе нашых найлепшых людзей у рэспубліцы.
— Сур’ёзна, я не ведала. Пра гэта нідзе не пішуць. А я спецыяльна такую інфармацыю не стаўлю сабе за мэту шукаць. Я іншых людзей шукаю, па іншых працую.
Пасля Бондарава, вырашыўшы скарыстацца момантам, захацела звярнуць увагу «кадэбіста» на іншых дзеячаў культуры, якія ёй не падабаюцца.
«Скажыце, калі ласка, а што наконт іншых дзеячаў культуры, якія былі заўважаны ў 2020 годзе? (…) Чаму яны свецяцца? Чаму яны ўдзельнічаюць у дзяржаўных мерапрыемствах? Чаму іх прозвішчы стаяць побач з прозвішчамі паважаных людзей, кідаючы на іх цень?»
Павук паабяцаў разабрацца.
Усё здарылася на Новы год. Смерць самай публічнай супрацоўніцы мінскага АМАПа дагэтуль пакідае пытанні11
Каментары
Дзьве моцна непрыемныя асобы размаўляюць. Як мне здаецца, касмэтычна адрозныя ў сваіх перакананьнях.
Толькі што Бондарава магчыма (ня ведаю напэўна) не бюзжэтніца.