На вайне з Украінай загінуў экс-вагнеравец, які двойчы збягаў з-пад суда на фронт
Ён прасіў «не памінаць яго ліхам».
Беспрацоўны жыхар Кінешмы Іванаўскай вобласці Расіі Мікалай Нікол увесну 2022 года разам з напарнікам трапіўся паліцэйскім на «закладцы» мефедрону, потым у яго дома знайшлі яшчэ запас марыхуаны.
Не чакаючы арышту і разгляду справы, мужчына збег з-пад падпіскі аб нявыездзе ў маі 2022 года ў ПВК «Вагнер». Так ён паўдзельнічаў у вайне, атрымаў раненні і нейкія ўзнагароды ад гэтай структуры, піша Sota.
Увосень 2022 года яго зноў затрымалі ў Кінешме за наркотыкі, і абласны суд адправіў яго пад хатні арышт, грунтуючыся на тым, што Міколу патрэбна падтрымальнае лячэнне і ў яго легальная крыніца даходу — выплаты ад ПВК. Пры гэтым суседзі Нікола ў даведцы для суда негатыўна характарызавалі яго.
«Наркатычную» крымінальную справу суд зноў не змог разгледзець па сутнасці: спачатку паседжанні адкладалі з-за стану здароўя вагнераўца, а 7 студзеня 2023 года Нікол знік з дому.
Паліцэйскім, якія прыбылі па трывожным сігнале бранзалета, Нікол пакінуў сляды наркапрытона, зрэзаны бранзалет і цыдулку: «З'ехаў ваяваць на Украіну. Не памінайце ліхам!»
Гэтая запіска і праславіла Нікола ў федэральных СМІ, а мясцовыя паліцэйскія зрабілі справаздачу, што ліквідавалі наркапрытон, дзе былі шпрыцы, шалі і адмысловы посуд для вырабу наркотыкаў.
Гаспадар, па даных паліцыі, «здаваў сваё жыллё нарказалежным грамадзянам для ўжывання забароненых рэчываў».
На гэты раз Нікола ўжо аб'явілі ў вышук і завочна арыштавалі, што не перашкодзіла яму быць ва Украіне аж да гібелі ў 2024 годзе.
Нікол служыў памочнікам гранатамётчыка ў «падраздзяленні іншага рэгіёна» і атрымаў узнагароду ўжо ад Мінабароны — медаль «За адвагу».
Па даных іванаўскіх СМІ, да канца 2023 года там за розныя злачынствы затрымалі 13 былых вагнераўцаў, якія выйшлі з турмаў дзякуючы ўдзелу ў ПВК.
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ11
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1010
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»10
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары