Навукоўцы Нацыянальнага парка «Белавежская пушча» знайшлі ў ім расліну, занесеную ў Чырвоную кнігу Беларусі, паведамляе афіцыйны сайт нацыянальнага парка.
Падчас правядзення палявых батанічных даследаванняў у пойме ракі Белая і ракі Правая Лясная, паміж вёскамі Белая і Чарнакі, навуковыя работнікі заўважылі новыя месцы, дзе расце рэдкая чырвонакніжная архідэя — Пальчатакарэннік майскі. Папуляцыі гэтага віду зусім невялікія і налічваюць каля 25-30 раслін, якія цвітуць на пойменных лугах.
Пальчатакарэннік майскі з’яўляецца прадстаўніком сямейства Архідных. Ён занесены ў Чырвоную кнігу Рэспублікі Беларусь і адносіцца да ІІІ катэгорыі нацыянальнага прыродаахоўнага значэння. На міжнародным узроўні гэтая архідэя ахоўваецца Канвенцыяй СІТЭС.
У нашай краіне названай расліны зусім не многа, і ў Белавежскай пушчы яна сустракаецца вельмі рэдка. Таму нядаўняя знаходка мае важнае значэнне.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам15
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары