Грамадства

«Маланкамі прабіць свабоды дарогу». Дзяніс Івашын у няволі сустракае 45 гадоў

Палітвязень Дзяніс Івашын чацвёрты раз сустракае дзень народзінаў за кратамі.

6 чэрвеня журналісту Дзянісу Івашыну, які адбывае пакаранне ў жодзінскай турме, споўнілася 45 гадоў. Напярэдадні сваякі і сябры адправілі Дзянісу віншаванні, але ў іх няма ўпэўненасці, што палітвязень атрымаў усе лісты і паштоўкі своечасова, бо ад яго ўжо два тыдні няма звестак, піша Радыё Свабода.

«Насамрэч няма нічога новага ўжо два тыдні. Ведаем, што частку віншаванняў ён атрымаў раней, але цяпер ад яго — цішыня. Не падобна гэта на нашага ваяра. Вельмі хвалюемся», — паведаміла жонка палітвязня Вольга.

Вольга Івашына размясціла ў Facebook верш свайго мужа, які нядаўна атрымала. Ён называецца «Маладая навальніца». Верш, прысвечаны першым навальніцам, заканчваецца радкамі пра свабоду.

…Конніца крылатая грозна грыміць,
Напаўняе душу першароднаю сілаю.
Прагай да волі, імкненнем жыць,
Узнесціся ў неба сваімі крыламі.
Моц стыхіі ў сабе адчуць,
Маланкамі прабіць свабоды дарогу.
Пераможныя воклічы нарэшце пачуць
І стаць бліжэй да Бога.

Журналіст Дзяніс Івашын асуджаны на 13 гадоў і 1 месяц нібыта за здраду дзяржаве (артыкул 356 КК) і незаконны збор і распаўсюд звестак аб прыватным жыцці (артыкул 179 КК).

Да арышту ў сакавіку 2021 года Дзяніс Івашын шмат даследаваў уплыў «русского мира» на беларускіх сілавікоў, пісаў пра абарону Курапатаў і ўладкаванне ўкраінскіх беркутаўцаў у сілавыя структуры Беларусі.

Пасля некалькіх месяцаў, праведзеных у магілёўскай калоніі, у чэрвені 2023 года Дзяніса Івашына перавялі на турэмны рэжым у жодзінскую турму №8.

Апошнім часам Дзяніса Івашына трымалі ў камеры, разлічанай на некалькі чалавек. Сваякам журналіста невядома, колькі ў яго сукамернікаў. Паводле сваякоў, Дзяніс вольны час бавіць за чытаннем кніг.

«Чытае кнігі па філасофіі, штосьці з паліталогіі, класіку і сучасную літаратуру. Ну і перыядычныя выданні сабе выпісвае, канешне, каб быць у курсе падзеяў», — паведаміла Вольга Івашына.

Каментары

Цяпер чытаюць

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны12

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Усе навіны →
Усе навіны

Амаль 400‑метровы пуцеправод паміж Каменнай Горкай і Лебядзіным абяцаюць адкрыць да канца года2

На Канары за суткі прыбылі амаль паўтары тысячы мігрантаў5

Карупцыйны скандал у Венгрыі: міністр Орбана закапаў у лесе 17 мільёнаў еўра7

«Лукашэнка ведае, што задумвае Пуцін, і вельмі гэтага баіцца». Чалы пра пагрозу новай вайны42

Алесь Бяляцкі сустрэнецца з чытачамі ў Варшаве, Кракаве і Уроцлаве1

Адна з самых масавых газет Расіі напісала пра «зняцце табу на ліквідацыю» Зяленскага4

У Беларусі ўсё больш машын у продажы. Старыя карчы яшчэ складаней прадаць?3

Украіна нанесла ўдар па аэрадроме Ахтубінска каля Астрахані, у глыбіні Расіі3

Акцёр з «Купалы» выклаў у вольны доступ ШІ-фільм, які прынёс яму 450 тысяч даляраў1

больш чытаных навін
больш лайканых навін

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны12

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Галоўнае
Усе навіны →

Заўвага:

 

 

 

 

Закрыць Паведаміць