У 1962 годзе размяшчэнне на Кубе савецкай ядзернай зброі справакавала Карыбскі крызіс. Ён мог прывесці да глабальнай ядзернай вайны.
Улады Кубы анансавалі ў чацвер прыбыццё ў Гавану на наступным тыдні чатырох расійскіх караблёў, уключаючы атамную падлодку «Казань» і ракетны фрэгат «Адмірал Гаршкоў». Пры гэтым было падкрэслена, што караблі ВМФ Расіі не нясуць ядзернай зброі і не ўяўляюць пагрозы для рэгіёну, паведамляе Расійская служба Радыё Свабода.
«Візіт адпавядае гістарычна дружалюбным адносінам паміж Кубай і Расіяй і строга адпавядае міжнародным правілам», — гаворыцца ў распаўсюджанай 6 чэрвеня заяве кубінскага МЗС.
Заява была зробленая на наступны дзень пасля таго, як крыніца ў адміністрацыі ЗША распавяла пра планы Расіі накіраваць баявыя судны ў Карыбскі рэгіён, у тым ліку да саюзнікаў у Венесуэле і на Кубе, для правядзення ваенна-марскіх вучэнняў.
Напружанасць у адносінах паміж ЗША і Расіяй рэзка ўзрасла пасля пачатку поўнамаштабнага ўварвання расійскай арміі ва Украіну ў лютым 2022 года, і актыўнасць расійскага флоту, хоць і звычайная ў Атлантыцы, таксама ўзрасла з-за падтрымкі Украіны з боку Злучаных Штатаў, заявілі ў Вашынгтоне.
У часы Халоднай вайны размяшчэнне на Кубе, у непасрэднай блізкасці ад узбярэжжа ЗША, савецкіх падраздзяленняў, на ўзбраенні якіх знаходзілася як звычайная, так і атамная зброя, справакавала Карыбскі крызіс 1962 года. Ён мог прывесці да глабальнай ядзернай вайны.
Пуцін намякнуў пра пастаўкі зброі ў Беларусь, каб «наносіць удары па адчувальных аб'ектах іншых краін»
Пуцін пачаў насіць на публічных мерапрыемствах бронекамізэльку
Расія намагаецца сарваць Саміт міру, а Кітай выступае інструментам у руках Пуціна — Зяленскі
Лукашэнка: Пуцін дзейнічае ва Украіне як Чынгісхан
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары