Грамадства99

«Горват з'ехаў, але пакуль нічому не канец». Пятро Кузняцоў расказаў, што цяпер з аднаўленнем палаца Горватаў у Нароўлі

Гомельскі журналіст Пятро Кузняцоў, які апошнія амаль чатыры месяцы нічога не пісаў у сваім некалі папулярным тэлеграм-канале, палічыў патрэбным перарваць маўчанне і растлумачыць грамадскасці, што цяпер будзе з палацам Горватаў у Нароўлі, які амаль тры гады таму ён з кампаньёнамі выкупіў і ўзяўся даводзіць да ладу. 

Палац Горватаў з вышыні птушынага палёту
Палац Горватаў з вышыні птушынага палёту

На пачатку допісу Кузняцоў нагадвае, што не так даўно адзін з яго кампаньёнаў, вядомы пісьменнік Андрэй Горват

«напісаў у ФБ пост, з якога ўсе цалкам абгрунтавана зразумелі, што аўтар пакінуў краіну. І пасля зрабілі не менш абгрунтаваную выснову, што палацам у Нароўлі ён больш займацца не будзе».

Аднак жа, нагадвае журналіст, Горват у гэтай справе быў не адзін:

«Нараўлянскі палац роду Горватаў XIX стагоддзя восенню 2020 года быў выкуплены на аўкцыёне з мэтай рэстаўрацыі кампаньёнамі ў складзе: Андрэй Горват, Пётр Кузняцоў і Аляксандр Баранаў».

І кампаньёны з таго часу не сядзелі склаўшы рукі:

«З таго моманту палац быў цалкам расчышчаны, створаны праект кансервацыі, згодна з ім, закладзеныя асновы даху, створаны і амаль узгоднены праект рэканструкцыі».

Паводле Кузняцова, Андрэй Горват у працэсе рэстаўрацыі палаца быў несумненна важнай фігурай: бо

«адыгрываў вядучую публічную ролю і вядучую арганізацыйную: ён пасяліўся ў Нароўлі, непасрэдна арганізоўваў усе працы на месцы, каардынаваў усе намаганні валанцёраў, размаўляў са СМІ і мясцовай уладай».

Таму, калі Горват выехаў з Беларусі і паведаміў пра гэта даволі невыразна, «вакол тэмы нарадзілася мноства здагадак, чутак і плётак», якія Кузняцоў сваім пастом паставіў мэту развеяць. Ён вылучыў тры асноўныя «міфы», якія склаліся вакол сітуацыі:

«Міф 1. Праекту «канец», таму што Андрэй Горват з'ехаў з прычыны пераследу праз гэты сам праект. Як правіла, тыя, хто гаворыць такое, ніяк не тлумачаць логіку падобнага зняволення, але чуць, што нас усіх «прэсуюць з-за палаца», даводзіцца часта».

У адказ на гэта Кузняцоў сцвярджае, што гэта няпраўда. З палацам ад'езд Горвата ніяк не звязаны, там іншая гісторыя.

«Міф 2. Тое, што праекту «канец», стала зразумела, пасля таго, як у СМІ з'явілася інфармацыя, што была закрытая арганізацыя — юрыдычная асоба, на якую быў набыты палац».

Гэта таксама, паводле Кузняцова, няпраўда. Закрытая была арганізацыя, якая працавала ў Мазыры і да палаца непасрэднага дачынення не мела, толькі ўскоснае. А пацярпела па іншых прычынах.

«Міф 3. Усяму «канец», таму што Горват з'ехаў».

Кузняцоў сцвярджае, што «на гэты момант усе працы, якія вяліся па распрацоўцы і ўзгадненні праектнай дакументацыі, працягваюцца мной — нічога не спынілася».

Ён не адмаўляе таго, што дадатковая нагрузка, якая на яго звалілася, «нечаканы, непрыемны і вельмі непатрэбны снег на галаву — вясной», бо хапае аж з лішкам уласных праблем самага рознага кшталту. Але ўсё ж такі ён, нягледзячы ні на што, у гэта ўпрогся і цягне.

«Калі мяне спытаць, навошта мне гэта наогул трэба, рацыянальна я, напэўна, сказаў бы, што не ведаю. Магчыма, характар у мяне такі, дурны — пакуль фізічна магчыма, не кідаю ні спраў, ні людзей.

Таму пакуль — нічому не канец. Палац ніхто не рэпрэсаваў і тут пакуль яшчэ ёсць, каму ім займацца. А вось што атрымаецца — мы ўжо адносна хутка будзем бачыць. І залежаць усё гэта будзе ад нас з вамі», — завяршае свой допіс Пятро Кузняцоў.

Чытайце таксама:

Палац у Нароўлі плануюць рэканструяваць: патрэбная дапамога

Аўтар бестселера «Радзіва Прудок» запрашае на расчыстку палаца ў Нароўлі

«Гэта кніга, якую зараз пішу». Як аўтар бестселера «Радзіва Прудок» вяртае з нябыту Нараўлянскі палац

Каментары9

  • Джек Блэк
    20.04.2023
    ПисАть-не камешки ворочать.Дошло наконец до него.
  • Канец канцоу
    20.04.2023
    Как говорил классик: очко, господа.
  • Краiна беларусаў
    21.04.2023
    Кузнец Пятро
    А что хотел сказать по существу?

Усё здарылася на Новы год. Смерць самай публічнай супрацоўніцы мінскага АМАПа дагэтуль пакідае пытанні11

Усё здарылася на Новы год. Смерць самай публічнай супрацоўніцы мінскага АМАПа дагэтуль пакідае пытанні

Усе навіны →
Усе навіны

Упаў з крэсла і не паспеў адключыць камп‘ютар. На якіх дробязях праколваліся расійскія разведчыкі?5

Прызначылі суд над святаром Анджэем Юхневічам, замест палітыкі абвінавачваюць у педафіліі

Саудаўская Аравія папярэджвала Германію пра небяспеку чалавека, які заехаў у натоўп у Магдэбургу3

Над Беларуссю сёння цягнулі на буксіры верталёт ВІДЭА

Медсястру з «Сінэва» асудзілі на немалы тэрмін па палітычным артыкуле і абвесцілі тэрарысткай9

Пракуратура Лейпцыга не выявіла складу злачынства ў дзеяннях дэпутата Дорнау ў Беларусі4

Манашкі Свята-Елісавецінскага манастыра дабраліся да Швейцарыі12

Аляксей Лявончык пра фільм на АНТ: Нашу базу ніхто не ўзломваў6

Тэрарыст у Магдэбургу — бежанец з Саудаўскай Аравіі, але зацяты вораг іслама і прыхільнік «Альтэрнатывы для Германіі»19

больш чытаных навін
больш лайканых навін

Усё здарылася на Новы год. Смерць самай публічнай супрацоўніцы мінскага АМАПа дагэтуль пакідае пытанні11

Усё здарылася на Новы год. Смерць самай публічнай супрацоўніцы мінскага АМАПа дагэтуль пакідае пытанні

Галоўнае
Усе навіны →