Пасля падключэння да інтэрнэту карэнныя жыхары Амазонкі трапілі ў порназалежнасць
Племя маруба з Бразіліі сотні гадоў ізалявана жыло ў джунглях уздоўж ракі Ітуі — аднаго з прытокаў Амазонкі. Увосень мінулага гады ў іх вёсцы з насельніцтвам каля 2000 чалавек усталявалі 20 спадарожнікавых талерак ад кампаніі Starlink.
Спачатку маруба былі рады, бо атрымалі магчымасць аператыўна выклікаць ратавальнікаў і дактароў або размаўляць са сваякамі, якія з'ехалі ў горад. Аднак праз паўгода старэйшыны забілі трывогу, піша Bild.
Маладыя людзі сталі ленавацца і праводзіць палову дня ў гамаках са смартфонамі. Многія трапілі ў залежнасць ад порна, хоць у традыцыйнай культуры індзейцаў забаронена нават цалавацца на людзях. Мужчыны палюбілі стралялкі.
У выніку старэйшыны забаранілі карыстацца інтэрнэтам больш за дзве гадзіны раніцай і пяць гадзін вечарам.
«Калі вы не палюеце, не ловіце рыбу і не вырошчваеце расліны ў вёсцы, вам няма чаго будзе есці», — папярэдзіў мясцовы аксакал Энох Маруба.
Цяпер чытаюць
Што азначае з’яўленне выхадцаў з Беларусі ў расійскім спецпадраздзяленні для асабліва важных аперацый і тайных забойстваў?20
Каментары