На продаж выставілі, здаецца, самую дарагую хаціну Беларусі: за хісткую хату просяць $850 тысяч
За хісткую хатку з 15 соткамі ў Мінску прадавец плануе атрымаць 850 тысяч долараў. У тыктоку пытаюцца, ці не знайшлі на ўчастку радовішча нафты, калі ён столькі каштуе. Але прычына больш празаічная.
Прапанова зусім не VIP-нерухомасці па вельмі ўражлівым кошце з’явілася ў агенцтве нерухомасці «Метрыум». Хаціна была пабудавана ажно ў 1949 годзе. Агульная плошча будынка ўсяго 49 квадратаў, жылая — каля 18. Ацяпленне пячное. Унутраны стан дома нават не рашыліся паказваць на фота ў аб'яве. Побач з асноўным будынкам ёсць дрывотня, якая, здаецца, вось-вось абрынецца.
Але ж галоўная каштоўнасць прапановы — гэта, канешне, не будынак. Рыэлтары называюць участак унікальным. І гэта сапраўды так.
Знаходзяцца 15 сотак у мікрараёне Вяснінка. Да вадасховішча Дразды ўсяго 5 хвілін пешшу. Рукой падаць да гандлёвага цэнтра «Арэна-Сіці», элітнага спа-цэнтра «Спа Рыўера і «Мінск-Арэны».
«Правільная форма ўчастка дасць вам прастор для ажыццяўлення любога праекта», — запэўніваюць рыэлтары.
Ад Абельскай да Ярмошынай: 112 уладальнікаў катэджаў у Драздах, поўны спіс
У Мінску прадаецца кватэра з уласным кінатэатрам. На яе ўжо прапануюць зніжку 50 тысяч даляраў
Алімпійскі прызёр Дашчынскі прадае дом каля Драздоў. Як вам інтэр'еры?
Цешча экс-старшыні СК радыкальна перабудавала катэдж у Драздах. І просіць за яго $3,3 мільёна ФОТЫ
Каментары