«Падарункі ад дзяцей і бацькоў выйшлі на новы ўзровень»: рэпетытарка з Мінску пахвалілася незвычайным прэзентам
Пакуль адны ўдзячныя вучні дораць любімым настаўнікам кветкі і цукеркі, іншыя выбіраюць больш крэатыўныя варыянты падзякі. Рэпетытарка па біялогіі з Мінску паказала ў тыктоку, што атрымала скрыню грыбоў.
Блогерка, якую завуць Паліна, вучыцца ў БДМУ на стаматолага і адначасова дапамагае старшакласнікам рыхтавацца да здачы цэнтралізаванага тэсціравання па біялогіі. У якасці падзякі за добрыя балы на рэпетыцыйным тэсціраванні яна атрымала ў падарунак ад вучня і яго бацькоў цэлую скрыню вешанак (потым Паліна ўдакладніла, што прапаноўвалі ёй адразу шэсць такіх скрынь). «Я люблю сваіх вучняў», — падпісала відэа дзяўчына. Яна дадала ў каментарыях, што вешанкі таксама любіць.
Відэа ў тыктоку набрала каля 375 тысяч праглядаў і 24 тысячы лайкаў.
Хлопец прадаў падарунак, але не чакаў, што гэта ўсплыве. Тыкток абмяркоўвае драму з дываном
У Гомелі мужчына прывёў у падарунак свайму двухгадоваму сыну жывога каня — у шматпавярховік
«Сын ведае, што дзяўчынкі любяць падарункі». Беларусы спрачаюцца ў тыктоку, ці трэба даваць школьніку грошы на спатканне
Мінчук употай пабудаваў на лецішчы стыльны дом і падарыў яго жонцы
Памілаваныя 15 чалавек, сярод якіх 13 палітвязняў15
Каментары