У Крыме ракетнымі ўдарамі знішчаныя два радары комплексаў С-300 і С-400 — Генштаб УСУ
Ноччу 12 чэрвеня ўкраінцы ракетнымі ўдарамі атакавалі расійскія зенітныя ракетныя комплексы, якія расіяне разгарнулі на ўкраінскім паўвостраве.
«Гэтым разам нанесены групавы ракетны ўдар па адным варожым зенітным ракетным дывізіёне С-300 паблізу Бельбека, а таксама двум зенітным ракетным дывізіёнам С-400 паблізу Бельбека і Севастопаля. Пацверджана траплянне ў раёнах цэляў. У прыватнасці, знішчаныя два радары комплексаў С-300 і С-400. Па трэцім радары інфармацыя ўдакладняецца. Акрамя таго, зафіксавана далейшая дэтанацыя боекамплектаў ва ўсіх трох раёнах размяшчэння зенітных ракетных дывізіёнаў Расіі», — гаворыцца ў афіцыйным паведамленні ведамства.
Як піша ASTRA са спасылкаю на свае крыніцы, па Крыме было запушчана 12 ракет ATACMS, 7 з іх былі збітыя. У выніку траплянняў знішчаныя 2 пускавыя ўстаноўкі С-400 і радыёлакацыйная станцыя, яшчэ 1 РЛС пашкоджана.
Андрэй Дзмітрыеў з'ездзіў у Бундэстаг, каб давесці неабходнасць удзелу Лукашэнкі ў мірных перамовах10
Каментары