У Італіі муж забіў беларуску і прывёз яе цела ў багажніку ў паліцыю
Пра злачынства ў горадзе Модэна стала вядома 11 чэрвеня. Цяпер Народная амбасада Беларусі ў Італіі паведаміла, што забітая былым мужам Ганна Свірыдзенка — беларуска. У яе засталося двое дзяцей. Паводле паліцыі, прычына забойства — менавіта спрэчка за дзяцей.
48-гадовы інжынер Андрэа Палтрыньеры сам прывёз цела сваёй забітай жонкі — 40-гадовай Ганны Свірыдзенка, у паліцыю.
«Я забіў яе, цела ляжыць у машыне на вуліцы», — заявіў ён паліцэйскім.
Паліцэйскія ў багажніку пабачылі цела жанчыны, на яе галаве быў завязаны провадам чорны пакет.
Спачатку паведамлялася, што жанчына расійскага паходжання, аднак цяпер высветлілася, што яна беларуска.
У яе засталося двое дзяцей, 2 і 3 гадоў. Мужчына, паводле папярэдніх звестак, забіў былую жонку, калі суд пастанавіў аддаць ёй дзяцей. Забойства, імаверна, адбылося, калі жанчына прыехала да яго, каб забраць дзяцей.
Ганна апошнім часам жыла ў Аўстрыі, займалася радыялогіяй. Выданне ANSA піша, што яна дасягнула выбітных прафесійных поспехаў у галіне медыцыны.
Цяпер чытаюць
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары
Вынік працы параграфа