U Italii muž zabiŭ biełarusku i pryvioz jaje cieła ŭ bahažniku ŭ palicyju
Pra złačynstva ŭ horadzie Modena stała viadoma 11 červienia. Ciapier Narodnaja ambasada Biełarusi ŭ Italii paviedamiła, što zabitaja byłym mužam Hanna Śvirydzienka — biełaruska. U jaje zastałosia dvoje dziaciej. Pavodle palicyi, pryčyna zabojstva — mienavita sprečka za dziaciej.
48-hadovy inžynier Andrea Pałtryńjery sam pryvioz cieła svajoj zabitaj žonki — 40-hadovaj Hanny Śvirydzienka, u palicyju.
«Ja zabiŭ jaje, cieła lažyć u mašynie na vulicy», — zajaviŭ jon palicejskim.
Palicejskija ŭ bahažniku pabačyli cieła žančyny, na jaje hałavie byŭ zaviazany provadam čorny pakiet.
Spačatku paviedamlałasia, što žančyna rasijskaha pachodžańnia, adnak ciapier vyśvietliłasia, što jana biełaruska.
U jaje zastałosia dvoje dziaciej, 2 i 3 hadoŭ. Mužčyna, pavodle papiarednich źviestak, zabiŭ byłuju žonku, kali sud pastanaviŭ addać joj dziaciej. Zabojstva, imavierna, adbyłosia, kali žančyna pryjechała da jaho, kab zabrać dziaciej.
Hanna apošnim časam žyła ŭ Aŭstryi, zajmałasia radyjałohijaj. Vydańnie ANSA piša, što jana dasiahnuła vybitnych prafiesijnych pośpiechaŭ u halinie miedycyny.
Litoŭski viaskovy padvorak na miažy ź Biełaruśsiu vyhladaje, jak aŭtasałon pa prodažy premijalnych aŭto VIDEA1
Kamientary