Вайна88

Расія знайшла вінаватага ў крушэнні свайго ўнікальнага А-50У коштам $300 мільёнаў

Следчы камітэт Расіі і вайсковая контрразведка ФСБ паведамілі, што ім удалося высветліць, хто менавіта збіў яшчэ ў лютым унікальны самалёт далёкага радыёлакацыйнага выяўлення і кіравання А-50У Паветрана-касмічных сіл Расіі. За знішчэнне самалёта ў небе над Кубанню цяпер шукаюць палкоўніка УСУ, піша «Коммерсантъ».

Мікола Дзяман. Фота: Следчы камітэт Расіі

Паколькі машына коштам больш за $300 млн была атакаваная ў небе над Расіяй і непасрэдна ў баявых дзеяннях не ўдзельнічала, а расіяне лічаць, што ніякай вайны яны не вядуць, то па факце «надзвычайнага здарэння» яны распачалі крымінальную справу аб «тэракце».

Па гэтай справе ў вышук з наступным арыштам абвешчаны камандзір 138-й зенітнай ракетнай брыгады (вайсковая часць А4608) Узброеных сіл Украіны палкоўнік Мікола Дзяман, падначаленыя якога, як сцвярджаецца, і выпусцілі па А-50У ракету.

Хамоўніцкі райсуд Масквы задаволіў хадайніцтва Галоўнага вайсковага следчага ўпраўлення СК Расіі і завочна арыштаваў Міколу Дзямана, якому інкрымінуецца п. «б» ч. 3 арт. 205 КК РФ (тэрарыстычны акт, які пацягнуў прычыненне смерці чалавеку). Ён абвешчаны ў федэральны вышук.

Па версіі следства, 23 лютага 2024 года паветраную прастору Расіі над Краснадарскім краем мірна патруляваў самалёт Паветрана-касмічных сіл РФ А-50У. А палкоўнік Дзяман, маўляў, усведамляючы, што паветранае судна не прызначана для баявых дзеянняў і не мае ўзбраення, а палёт праходзіць над Расіяй, аддаў падначаленым загад аб яго атацы. І гэты ракетны ўдар прывёў да знішчэння самалёта ды гібелі дзесяці членаў экіпажа, якія знаходзіліся на яго борце.

Самалёт А-50 — паветраны камандны пункт, які расіяне выкарыстоўваюць для далёкага радыёлакацыйнага выяўлення, кіравання і навядзення для ўдараў па Украіне ракетамі са стратэгічнай авіяцыі.

Такіх самалётаў у РФ усяго некалькі штук. Адзін з іх быў моцна пашкоджаны 26 лютага 2023 года на аэрадроме ў Мачулішчах пад Мінскам.

Каментары8

  • 17.06.2024
    Шо ? А што трапілася )? Казалі быў " сяброўскі чых - пых " . Памыліліся свае і па-над смагай знішчылі аналагаўнет . Быццам украинцы нікуды ня варты .
  • Правдоруб 54
    17.06.2024
    Видимо, хороший профессионал и командир!
  • Правдоруб 54
    17.06.2024
    Когда ракетами убивали детей в Одессе и далее по списку, так это сво. А как их дельтаплан дорогой завалили - айяйяй, терроризм!
    Фашисты 21 века!

«Будзе адбывацца вымушаны, але ўсё большы паварот у бок Расіі». Сацыёлаг пра ўплыў новых санкцый на настроі беларусаў

«Будзе адбывацца вымушаны, але ўсё большы паварот у бок Расіі». Сацыёлаг пра ўплыў новых санкцый на настроі беларусаў

Усе навіны →
Усе навіны

Зяленскі павіншаваў Трампа з абраннем кандыдатам ад Рэспубліканскай партыі і назваў яго прэзідэнтам5

30-хвілінны марынад для простага курынага шашлыка6

Як змяніць беларускія нумары на літоўскія. Што трэба і колькі каштуе працэдура?15

Ірына Фарыён памерла ў бальніцы15

Стары паплечнік Лукашэнкі параўнаў яго з аяталой Хамейні. Параўнанне так сабе2

На Менцы раскапалі ўжо тры рады гакавых драўляных канструкцый ФОТА3

16-гадовая беларуска ўпала з шостага паверха ў Варшаве

Ірына Абельская стала заслужанай доктаркай17

Полк Каліноўскага афіцыйна пацвердзіў замену свайго камандзіра і заявіў пра рэфармаванне20

больш чытаных навін
больш лайканых навін

«Будзе адбывацца вымушаны, але ўсё большы паварот у бок Расіі». Сацыёлаг пра ўплыў новых санкцый на настроі беларусаў

«Будзе адбывацца вымушаны, але ўсё большы паварот у бок Расіі». Сацыёлаг пра ўплыў новых санкцый на настроі беларусаў

Галоўнае
Усе навіны →