У Наваполацку падлеткі зладзілі вечарынку — аднаго збілі да паўсмерці, другі скочыў з акна ад міліцыі і зламаў хрыбет
Кепска скончылася ў Наваполацку вечарынка падлеткаў: яе ўдзельнікі збілі да паўсмерці таварыша, забарыкадаваліся ад міліцыі ў кватэры, а затым адзін гуляка выскачыў з акна і зламаў хрыбет, піша «ЧП Могилев».
У часе вечарынкі паміж моладдзю адбыўся канфлікт, у выніку адзін з маладых людзей быў збіты да непрытомнага стану. Пры спробе міліцыі ўвайсці ў кватэру, каб аказаць дапамогу пацярпеламу і вырашыць канфлікт, дзверы падлеткі не адчынялі.
Адзін з удзельнікаў інцыдэнту паспрабаваў схавацца ад праваахоўнікаў праз акно, аднак падзенне было няўдалым, і малады чалавек зламаў хрыбетнік.
У памяшканні міліцыя выявіла непаўналетніх у стане алкагольнага апʼянення.
Жыхарцы Магілёва пагражаюць крыміналкай за тое, што зняла ранішнюю чаргу ў рэгістратуру7
Каментары