У Мінску памерла пісьменніца і даследчыца беларускай літаратуры, адна з заснавальніц і шматгадовая сяброўка Рады Згуртавання беларусаў свету «Бацькаўшчына» Лідзія Савік. Сёлета ёй споўнілася 88 гадоў, піша zbsb.info.
Лідзія Савік
Шмат гадоў Лідзія Савік працавала старшай навуковай супрацоўніцай Інстытута літаратуры імя Янкі Купалы АН Беларусі, пасля — прафесаркай Беларускага дзяржаўнага ўніверсітэта культуры і мастацтваў, выкладаючы беларускую літаратуру. Была таксама сяброўкай Міжнароднай асацыяцыі беларусістаў і старшынёй камісіі па вяртанні спадчыны беларускіх пісьменнікаў.
Менавіта дзякуючы яе карпатлівай працы, у тым ліку з архівамі КДБ, да якіх яна ў пачатку 1990-х атрымала доступ, у культурны ўжытак вярнуліся дзясяткі імёнаў і літаратурных твораў беларускіх рэпрэсаваных пісьменнікаў і дзеячаў эміграцыі.
Лідзія Сымонаўна выдала некалькі манаграфій, прысвечаных праблемам развіцця беларускай літаратуры, сярод якіх кніга «Пакліканыя: літаратура беларускага замежжа» (2001) і некалькі кніг у суаўтарстве на сумежную тэматыку. Напісала больш за 300 артыкулаў, рэцэнзій і энцыклапедычных артыкулаў. Яна была адным з біёграфаў Барыса Кіта, напісаўшы пра яго кнігу «Космас беларуса».
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім6
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары