Арына Сабаленка ў Парыж не едзе.
Старшыня Беларускай тэніснай федэрацыі Сяргей Рутэнка пацвердзіў, што трэцяя ракетка свету Арына Сабаленка не возьме ўдзелу ў Алімпійскіх гульнях у Парыжы. Зборную Беларусі па тэнісе на Алімпіядзе прадставіць Вікторыя Азаранка, піша Прессбол.
У чацвер на афіцыйным сайце Міжнароднага алімпійскага камітэта (МАК) быў апублікаваны спіс спартсменаў, якія атрымалі нейтральны статус для ўдзелу ў гульнях‑2024. У спіс увайшлі Сабаленка і Азаранка.
— Спіс бачылі, ад нас на сёння едзе толькі Віка Азаранка, Сабаленка не едзе, — сказаў Рутэнка «Матч ТВ».
Вікторыя Азаранка на Алімпіядзе ў Лондане выйграла золата ў міксце з Максімам Мірным і бронзу ў індывідуальным разрадзе.
У лютым 2022 МАК рэкамендаваў спартовым федэрацыям не дапускаць расіянаў і беларусаў да ўдзелу ў міжнародных турнірах. Пазней рэкамендацыі былі змякчаныя, а ў снежні 2023‑га кіраўнік МАК Томас Бах заявіў, што арганізацыя дапусціць расійскіх і беларускіх спартоўцаў, якія паспяхова прайшлі адбор, да летніх гульняў‑2024 у індывідуальным нейтральным статусе. Атлеты змогуць выступаць у Парыжы без сцяга, гімна і іншых нацыянальных сімвалаў.
Алімпійскія гульні пройдуць з 26 ліпеня па 11 жніўня. Тэнісны турнір пройдзе на грунтавых кортах.
Цяпер чытаюць
Прылукі пад Мінскам на хвалі хайпу — беларусы масава паехалі туды па здымкі ў стылі «Прыцемак». Мясцовыя не ў захапленні4
Прылукі пад Мінскам на хвалі хайпу — беларусы масава паехалі туды па здымкі ў стылі «Прыцемак». Мясцовыя не ў захапленні
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў44
Каментары