Міністарка культуры і гендарнай роўнасці Нарвегіі Любна Яферы выступіла на здымках ток-шоу Skeiv Preik у Осла і там зрабіла скандальны ўчынак, паведаміла NRK (Нарвежская вяшчальная карпарацыя).
![](http://nnexpictures.fra1.digitaloceanspaces.com/img/w732d4webp1/photos/z_2024_06/2024-06-29184021-8577u.png.webp)
Любна Яферы вядомая сваімі прыязнымі адносінамі з людзьмі нетрадыцыйнай сэксуальнай арыентацыі, і яе ўчынак быў таксама з гэтым звязаным. Ёй нават уручалі спецыяльную ўзнагароду.
Падчас прэзентацыі яна ў пэўны момант задрала блузку і пад апладысменты публікі прадэманстравала грудзі.
«Як міністарка культуры і роўнасці, а цяпер і высокая апякунка квіраў, я занепакоеная тым каб квіры адчувалі сябе ў бяспецы і вольна, гэта быў невялікі ўнёсак», — сказала чыноўніца.
![](http://nnexpictures.fra1.digitaloceanspaces.com/img/w732d4webp1/photos/z_2024_06/8ae2whaw6gkss-7yld-pmwv8doafzq2ohsthyiifjkuwpng-v1vfy.webp.webp)
Непасрэднае кіраўніцтва міністаркі паставілася да гэтага яе ўчынку спакойна. Прэмьер-міністр краіны Ёнас Гар Сцёрэ не бачыць у гэтым нічога кепскага:
«Любна — упэўнены ў сабе, свабодны і цудоўны чалавек, які з радасцю прысутнічае на культурных мерапрыемствах па ўсёй краіне. Учора яна таксама была ў Осла, і я думаю, гэта нармальна».
Каментары
Нашы міністры будуць займацца працай!