Англія па пенальці перамагла Швейцарыю і выйшла ў паўфінал Еўра-2024 ВІДЭА
На стадыёне «Меркур Шпіль-Арэна» ў нямецкім Дзюсельдорфе прайшоў чвэрцьфінальны матч чэмпіянату Еўропы-2024 паміж зборнымі Англіі і Швейцарыі. Далей ідуць англічане.
![](http://nnexpictures.fra1.digitaloceanspaces.com/img/w732d4webp1/photos/z_2024_07/ap24188661245447-pphf4.jpg.webp)
Фота: AP Photo/Martin Meissner
Асноўны час матча скончыўся ўнічыю 1:1, прычым абодва галы былі забітыя пад канец матча. Спярша швейцарац Брэль Эмбало забіў вызначыўся на 75-й хвіліне, але праз 5 хвілін англічанін Букая Сака аднавіў раўнавагу.
Дадатковы час да змены ліку не прывёў і каманды мусілі прабіваць пенальці. У гэтай серыі перамагла Англія — 5:3. Усё вырашыў адзіны сэйв англійскага галкіпера Джордана Пікфарда пасля дэбютнага ўдару ў выкананні швейцарца Мануэля Аканджы.
Цяпер англічане згуляюць у паўфінале з пераможцам пары Нідэрланды — Турцыя.
Каментары