Усе трое суседзяў Беларусі дружна прайгралі баскетбольную алімпійскую кваліфікацыю
Баскетбольны мужчынскі турнір — адна з цікавостак летняй Алімпіяды.
У ім удзельнічае 12 зборных, восем з іх забраніравалі сабе пуцёўкі загадзя. Гэта каманды Францыі (гаспадыні), Сербіі, Германіі, ЗША, Канады, Японіі, Аўстраліі, Паўднёвага Судана.
Астатнія чатыры пуцёўкі размяркоўваліся ў чатырох кваліфікацыйных турнірах.
Схема была наступная: у кожным з турніраў бярэ ўдзел шэсць камандаў, разбітыя па тры зборныя на дзве групы. Праводзяць міні-турнір у падгрупе з трох дружын, дзве выходзяць у паўфінал, а потым два пераможцы вызначаюць толькі аднаго шчасліўчыка.
Польшча гуляла ў Іспаніі, прайграла адразу Багамам і Іспаніі і не прабілася нават у паўфінал.
Латвія і Літва дабраліся да фіналаў кваліфікацыі, але там ім не пашанцавала.
Прычым кваліфікацыйны турнір з удзелам зборнай Латвіі, якая заняла 5-е месца на чэмпіянаце свету, праходзіў у Рызе. Але ў фінале ўчора Латвія прайграла Бразіліі 69:94.
Літва свой кваліфікацыйны турнір праводзіла ў Сан-Хуане (Пуэрта-Рыка), таксама дабралася да фіналу, дзе сёння ноччу прайграла гаспадарам 68:79.
З двух астатніх кваліфікацый на Алімпіяду прабіліся Грэцыя і Іспанія.
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары
[Паўднёвы Судан, дзякуй -- вэб-рэдактар]