Пасля ўвядзення новых абмежаванняў велізарная чарга на мяжы з Польшчай рассмакталася за некалькі гадзін
На беларуска-польскай мяжы сёння можна было назіраць анамальную сітуацыю, калі чарга з амаль 200 машын рассмакталася за лічаныя гадзіны. Усяму віной — новыя абмежаванні ад польскага боку.
Ужо другі раз цягам ліпеня на беларуска-польскай мяжы цалкам знікаюць чэргі з легкавікоў. Прычына абодвух разоў — новыя абмежаванні.
У ноч з 4 на 5 ліпеня чаргі не стала пасля навіны пра забарону на вываз у Беларусь шырокага спісу тавараў.
Пазней калейка зноў пачала збірацца. У панядзелак на піку выезду з Беларусі чакалі больш за 220 машын. Але адноўленыя чэргі пратрымаліся нядоўга, бо Польшча перастала прапускаць беларускія аўтамабілі, калі ў салоне няма ўласніка. Таксама пад забарону на ўезд у Польшчу трапіў транспарт, які належыць юрыдычным асобам.
У ноч з 8 на 9 ліпеня чарга з ахвотных трапіць на аўтамабілі ў Польшчу зноў пачала імкліва скарачацца. Калі апоўначы выезду з Беларусі чакалі 175 легкавікоў, то ўжо бліжэй да 10 раніцы чарга цалкам знікла, што нетыпова для гэтага пераходу.
Тыдзень таму ў гэты ж час у чарзе стабільна стаяла больш за 200 аўто. Тое самае было і два тыдні таму. А вось тры тыдні таму, у аўторак 25 чэрвеня, выезду з Беларусі цягам дня чакалі 350-400 легкавікоў. Роўна месяц таму ў чарзе на выезд з Беларусі ў Польшчу цягам дня таксама стаялі каля 400 аўто.
Нагадаем, што пасля прыняцця новых санкцый суседнія краіны ЕС паступова ўводзяць новыя абмежаванні ў дачыненні да беларусаў. Важная адметнасць новага пакета санкцый у тым, што яны закранаюць не толькі юрыдычных, але і фізічных асоб.
У 2020 годзе ябацька Аміна «актыўна галасавала» за Лукашэнку. А цяпер не разумее, чаму родная маці на яе данесла, а міліцыя затрымала32
Каментары