Паглядзелі, што з чэргамі на мяжы пад Брэстам пасля ўвядзення шэрагу новых абмежаванняў польскім бокам.
Больш абмежавання — менш чэргаў
Пасля таго, як Польшча спачатку забараніла вывозіць шэраг тавараў у Беларусь, а пасля перастала ўпускаць да сабе аўтамабілі, калі ў салоне няма ўласніка аўто, чэргі на польскім кірунку значна зменшыліся. Часам іх не было зусім, яшчэ месяц назад такое немагчыма было нават уявіць.
Па стане на 20:00 пятніцы, выезду з Беларусі ў Польшчу чакаюць каля 25 легкавікоў.
Уначы, на піку, чарга дасягала 150 аўто, але цягам дня зменшылася да 10-30 аўто.
Куды больш ахвотных патрапіць з Польшчы ў Беларусь, чарга з легкавікоў расцягнулася на тры кіламетры.
Тым часам на адзіным дзейным грузавым пункце пропуску на мяжы з Польшчай сітуацыя выглядае зусім інакш.
Калі ў панядзелак, 8 ліпеня, чаргі на выезд з Беларусі не было зусім, то вечарам 11 ліпеня і раніцай 12 ліпеня сабралася чарга з больш чым 900 вялікагрузаў.
Па стане на 20:00 пятніцы, у чарзе на выезд застаюцца каля 450 фур.
Рэзкае з'яўленне чаргі з 0 да амаль 1000 фур адбылося пасля таго, як Польшча прыпыніла пропуск грузавікоў з тэрыторыі Беларусі.
Згодна са звесткамі ДПК, польскі бок паступова аднаўляе былыя аб'ёмы пропуску фур на сваю тэрыторыю.
Калі па даных за 9 ліпеня польскі бок прыняў 915 фур з Беларусі, то на наступныя суткі ўсяго 110, што і прывяло да рэзкага з'яўлення чаргі. Яшчэ праз дзень палякі аформілі 340 фур. За мінулыя суткі з Беларусі ў Польшчу трапілі 611 вялікагрузаў.
-
Больш за 60 чалавек затрыманыя пасля канцэрта Макса Каржа ў Франкфурце-на-Майне. Са сцэны спявак заклікаў спыніць вайну ва Украіне
-
Рыжанкоў спадзяецца на пацяпленне адносін з Польшчай
-
Протаіерэй Андрэй Лемяшонак паскардзіўся на праверкі. І назваў паездкі манашак Свята-Елісавецінскага манастыра па Еўропе «гераічнымі»
Каментары