Гэты карлікавы кот з сарамлівым выглядам стаў новай зоркай сацсетак
Фрэнсісу — 14 гадоў, але выглядае ён як малое кацяня, бо меншы за келіх для шампанскага.
У 2010 годзе кацяня знайшлі ў Берліне. Яго выратавалі будаўнікі і аддалі бацькам Меліны. Яны назвалі яго Фрэнсіс і ў той час яшчэ не ведалі, што ён застанецца зусім маленькім.
«Тады ён быў памерам з мой кулак, — кажа Меліна. — З таго дня мае бацькі клапаціліся пра яго».
Час ішоў, і ўсе чакалі, што Фрэнсіс вырасце дарослым катом. Але яго рост адразу спыніўся.
Аказалася, што ў яго рэдкае генетычнае захворванне, і Фрэнсіс аказаўся карлікавым катом. Цяпер яму 14 гадоў, і яго мініятурны рост стварае ўражанне, што ён назаўжды застанецца кацянём з сарамлівым выглядам.
«Гэта не нейкая асаблівая парода. Гэта звычайны кот з генетычным захворваннем», — кажа Меліна. — Але ў астатнім ён цалкам здаровы. Проста ён маленькі».
Меліна вядзе акаўнты Фрэнсіса ў сацсетках. У інстаграме ў яго 810 тысяч падпісчыкаў (у ката Сцяпана — 1,4 млн)
«Цельца ў ката, можа, і маленькае, але характар — не. У маіх бацькоў дома шмат выратаваных жывёл, але Фрэнсіс — галоўны. І ён гэта ведае», — кажа Меліна.
Дзяўчына дадае: «Ён не выказвае ніякага страху перад вялікімі сабакамі і любіць з імі абдымацца».
Мінчук зняў ролік пра чаргу ў паліклініцы, дзе было больш за 150 чалавек. За гэта на яго напісалі заяву ў міліцыю10
Каментары
бо, як на мой погляд, дык прырода вас... гхм.. скажам так - одарила всем