Венецыянскі кінафестываль адкрыецца працягам хіта 1980-х «Бітлджус Бітлджус»
Арганізатары 81-га Венецыянскага кінафестывалю абвясцілі поўную праграму агляду, які адбудзецца 28 жніўня — 7 верасня.
Адкрые фестываль працяг хіта 1988 года «Бітлджус Бітлджус» Ціма Бёртана з Майклам Кітанам, Вайнонай Райдэр, Монікай Белучы і Уілемам Дэфо у галоўных ролях.
Таксама пакажуць працяг «Джокера» Тода Філіпса: «Джокер: Вар'яцтва на дваіх» з Хаакінам Феніксам і Лэдзі Гагай, «Джокер» 2019 года ўзяў «Залатога льва» ў Венецыі.
У асноўным конкурсе таксама «Пакой па суседстве» Пэдра Альмадовара, «Поле бітвы» Джані Амеліа, «Ціхі сын» Дэльфіна Кулена і Мюрыэля Кулена, «Маўклівае братэрства», Джасціна Курзеля, «Квір» Лукі Гуаданьіна — усяго 21 фільм
У пазаконкурснай праграме таксама «Зламаная лютасць» і «Воблака» японскіх аўтараў Такешы Кітана і Кіёсі Курасавы і камедыя «Фінал» Клода Лелюша. У камедыйным баевіку «Ваўкі» Джона Уотса з'явяцца Брэд Піт і Джордж Клуні.
Венецыянскі кінафестываль быў заснаваны ў 1932 годзе пры Беніта Мусаліні, прычым у 1934-1942 гадах галоўны прыз называўся «Кубак Мусаліні», сёння гэта «Залаты леў» — прыз за найлепшы фільм.
Цяпер чытаюць
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу15
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ3131
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ31
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4848
Каментары